رواية ميراث نور للكاتبة لينا بسيوني حصري الجزء الثالث
المحتويات
بره القفص طيب .
طلعت بره القفص ووقفت على رجلى ورفعت رأسى لفوق .
رجعنا كلنا على الكهف بتاعى أنا نصير أبن القاف و أبنى ماهر !!
أول ما دخلت الكهف سندس جريت عليا وحضنتنى جامد وهى بتبكى وفضلت متبته فيا وماردتش تسيبنى .
قولتلها
وحشتينى أوى ياسندس !!
قالتلى
ودموعها مغرقه عينيها .. ألف شكر وحمد ليك يارب أنك رجعتلى بالسلامه روحى كان غايبه ورجعت تانى .
أنا أسفه يابابا.
حضنتها وقولتلها
نصير حكالى على اللى عملتيه .. انتى أنقذتينى بس ماتعملهاش تانى.
قالتلى وهي بتبكى
وعد ما أزعلكش منى تانى ... انا حتى مارضتيش ألبس الحذاء تانى الا لما ترجع بالسلامة .
أتفاجئا كلنا بحنوش داخل الكهف وفى أيده شنطة السوق!!!
نييييييينوووووووووووووو
مالقتش كزبرة خضرا جبتلك بقدونس !! وحشتنى يانينو !!
شوية وكلهم خدوا بالهم من الشاب اللى واقف جمبى.
فقلت لنورا ولسندس وانا بشاور على ابن القاف
أعرفكم بأبن القاف صديقى ..
وقربت ناحية ماهر وقولتلهم
نورا قالت وهيا فرحانة
أيه ده هو انا ليا أخ !!
فماهر قالها
أنا برده فرحان زيك كده ..
فقالتله وهو بتغمزله
بتعرف فى السحر !!
ابتسم وقالها
أها..
قالتله
قشطه مع بعض بقى !!
وبصيت على سندس اللى كانت فاتحه بوقها ومش فاهمه حاجه وقولتلها
أتفاجئت بماهر بيقول بأستغراب
سندس !!!
قلت لماهر بأندهاش
أيه ده هو أنت تعرف سندس !!
قالى
أمى دايما كانت بتحكيلى على صديقة ليها أسمها سندس قالتلى أنها أطيب بنى أدمه قابلتها فى حياتها تقريبا مكانتش بتحكى غير عليها !!
أزيك ياخالتى سندس !!
الجنية عرفت تربى !! بس هو ازاى بغل كدا يا سيدى مش المفروض يبقى عنده تقريبا 10 سنين !
ماهر ضحك وقالها
ما هو انا عشان نص جنى بكبر ضعف الانسان العادى .
بصتله وقالت
نورت يابن الغالى والغالية أمك كانت جنية اه بس طيبة وبنت حلال وانا حبتها لله فى لله ... ربنا يسترك يابنى وينصرك دايما زى مانصرتنا ورجعت سيدى لينا تانى .
أنا لسه ما أنتصرتش ياسندس ومش ههدى ألا لما أتنقم من نيللى وأخلص العالم من شړ.....
حنوش قطع كلامى وقال
ممكن نأجل الكلام عن الحړب دلوقتى .. أرجوكم ماتبوظوش لم الشمل تعالوا نتعرف على بعض كلنا فى ماتش كوره .
بصينا ليه كلنا بأستغراب وقولنا فى صوت واحد
ماتش كوره !!
قالنا
أها كفاية أم دراما بقى بقالنا كتير أوى مافرحناش أحنا هنقسم الفرق كالاتى .
أنا ونصير وأبن القاف فى فريق .
وأنت يانينو ونورا وأبنك الجديد ده !! فى فريق .
وسندس هتحكم وتجيبلنا الكوره لما تتشاط بعيد !!
حسيتهم كلهم أتحمسوا للفكرة حتى سندس!!
نورا قالت بمكر
بس أنا مش هينفع ألعب كده !!
وبصت على نفسها وهيا قاعدة على الكرسى فروحت ناحية الاوضة ورجعت بالحذاء ونزلت على الارض ولبستهولها فى رجليها وانا بقولها
نجرى ونلعب بس .. انما نسافر بالزمن ونطلع ناس منعرفهمش من البير لا ... فاهمه !!
حضنتنى جامد وقالت
أبدا أبدا.
قامت من على الكرسى وقسمنا نفسنا فرقتين ..
حنوش كان لابس فانلة كريستيانو رونالدوا واقف جمب نصير وأبن القاف واللى كانوا لابسين زى لاعيبة الكورة ..
فانلة وشورت !!
سندس كانت معلقة صفاره فى رقبتها وواخده الكورة تحت دراعها..
مارو وقف حارس مرمى.
ونوشا كانت بتتنط و بتسخن فى الملعب !!
أنا وقفت فى نص الملعب ولفيت لفه كامله بالقميص وتخيلت نفسى..
ميسى !
متنسوش التفاعل وقولولنا رايكم في الجزء التالت
..
أحداث الماتش مسربة من مذكرات نينو
نور
صفارة سندس حكم المباراة هزت أرجاء الملعب اللى نقلنا له حنوش وأعلنت عن بداية الماتش .
تقسيمة الفريقين كانت كالتالى
فريق مكون منى انا ميسي ونوشه ومارو.
وفريق مكون من حنوش ونصير وابن القاف.
سنطرنا الكوره أنا ونوشة فى نص الملعب.
أبن القاف ھجم عليا وخطڤ الكورة منى ميسى ... حاولت أخد منه الكورة بس رقصنى!!!
نوشه دخلت على ابن القاف خطفت منه الكوره وجريت بيها ناحية الجون.
حنوش وقفها قبل ماتشوط الكورة فى نصير اللى واقف جون . وجرى بالكوره وبقى أنفراد!!
حنوش شاط الكوره بعزم مافيه ناحية الجون اللى واقف فيه مارو وأدى ضهره للجون وجرى يحتفل من غير مايشوف الكوره دخلت جون ولا لآ كان واثق أن محدش هيعرف يصد كورته ..
بس أتفاجئ لما لف ضهره ولقى مارو ماسك الكوره فى أيده بعد ماصدها!!
مارو ساب الكوره من أيده وشاطها قبل ماتقع على الارض ناحية الجون التانى اللى واقف فيه نصير .
نصير أتفاجئ وكلنا
متابعة القراءة
