روايه حب وحرب الفصل الاول بقلم عفاف سيد

واضحة لما تقوله زهرة ثم قالت 
هو انتي بجد ! يعني بجد بجد فيه حد كدا زيك في الدنيا دي ! 
ضحكت زهرة ضحكة صغيرة مټألمة وهي تقلد نادر الصغير بصوت طفولي وهي تقول 
لا يا خالتو عارفه لي عشان أنا نادر مفيش زيي 
ثم ألتفتت بعيدا تمسح تلك الدمعة الصغيرة قبل أن تلاحظها جنين و من ثم استدارت مرة اخرة و
عم الصمت المكان حينما لاحظت زهرة شيء في جنين جعلها تركض إليها فزعة قائلة 
جنين ! جنين أنتي كويسه يا حبيبي أنا آسفة آسفة والله آسفة لو كنت قلت حاجة خلتك ترجعي تزعلي تاني أسفه 
في البداية لم تفهم جنين سبب خوف ولهفة زهرة عليها بهذا الشكل ثم أدركت ذلك بعد لحظات حينما شعرت بشيء سائل يسبح علي وجنتيها ببطىء لتنظر إلى المرأة و تجد أنها تبكي دما 
متخفيش يا زهرة أنا كويسة دا مش بسببك يا روحي متخفيش 
مخفش إزاي يا جنين ! دي محصلتش معاكي من فترة طويلة إحنا قلنا إنك خلاص نسيتي و تعايشتي مع الموضوع جنين أنتي مخبيه عني حاجة 
نظرت إليها جنين بإستنكار و إبتسامة سخرية و قالت 
أنتي نسيتي 
لم تجب زهرة على هذا السؤال 
أقتربت منها جنين بكل حب و إمتنان 
مقدرش أخبي عنك حاجة يا زوز دا أنتي أختي وصحبتي و حبيبة قلبي و بير أسراري كمان 
فردت زهرة بحذر شديد 
طب حصل أي خلاكي ترجعي تنتكسي كدا
أجابت جنين بإبتسامة مکسورة قائلة 
مشكلتي أني بتمنى أبقي زيك ومش قادرة 
ردت زهره بحب وهي تحتضن جنين 
بس أنا مش عايزاكي تبقي زيي أبدا يا جنين أبدا 
ثم حاولت أن تعود لجنين بالسؤال مرة أخرى 
يلا بقى بجد قولي لي أي اللي حصل معاكي 
اجابت جنين بقوة مزيفة 
أبدا النهاردة حد من زمايلي قال إن في كام شخص جايين جديد يدروبنا كانوا متوزيعين في بلاد برا مصر للحظة خطړ لي أنه ممكن يكون منهم و قلبي وجعني 
طمئنتها زهرة بكل حب و الرجفة تحول دون خروج الكلمات صحيحة من فمها قائلة 
لا لا يا جنين هو أي حد شغال بره يبقي هو ! أكيد لأ أن شاء الله يكون لا متشغليش بالك أنتي وحتى لو هو أنا متأكدة إنك هتقدري تقفي قصاده بكل قوة و ثبات بعدين اوعى تنسي في يوم أنه أعز إنسان على قلبك و ضحيتي بحجات كتير عشانه فاهمه 
قالت زهرة تلك الكلمات وهناك غصة تعصر قلبها و حزن كبير تجاهد في إخفائه و لكن جنين لم تعلق على تلك المشاعر الجياشة تحدثت فقط عما يخصها من هذا الحوار