روايه حب وحرب الفصل الاول بقلم عفاف سيد

والله شكل ما حد هيضيعك غير خالتك دي اللي موافقاك في كل حاجه إلا قولي لي يا آخرة صبري أجازتك هتخلص امتى
اجابتها جنين بحزن لا تعلم له سبب 
بعد يومين كدا أن شاء الله 
أكملت زهرة قائلة بترجي 
طب يا ستي عشان خاطري بالله عليكي روحي زوريهم المرة دي كفاية كدا الكل فهم وجهة نظرك و ندمانين و زعلانين أوي 
وكان رد جنين الصارم و الخالي من المشاعر 
موافقة بس بشرط 
جاءها الرد السريع و المليء بالحماس من زهرة 
أنت تؤمر يا جميل اطلبي كل اللي أنتي عايزاه و أنا موافقة طالما هتزوريهم المرة دي اطلبي عنيا حتى  
اطرقت زهره قليلا ثم استكملت حديثها سريعا وكأنها أدركت شيء بالغ الاهميه 
لأ استني عنيا لا عايزاهم المسلسل الاسباني لسه مخلصش اطلبي حا 
قاطعتها جنين بنفاذ صبر قائله 
يا ستي افصلي شوية المسلسلات لحست دماغك افصلي مش عايزه منك حاجة غير أنك تروحي بكرا قبلي و تفهميهم إني جاية وراكي بس شرطي أن منتكلمش في أي حاجة فاتت و نرجع زي زمان وكأن اللي كان لم يكن 
زي ما هما بيعملو يعني 
زي ما هما بيعملو زي الجيران المهم إن الموضوع ميتفتحش تاني و إلا مش راجعه لو كان عندي شوية صبر فخلاص الكلية دي خدتهم مني و معدش عندى صبر 
هونت عليها زهرة قائلة وهي تضحك 
الكلية اللي زينة شباب البلد بيتعلمو فيها الصبر و التواضع اخدت منك أنتي شوية الصبر اللي حيلتك لي ياختشي الصبر عندهم شاحح للدرجة دي 
أي يا بت الظرف اللي أنتي فيه وخفة الډم دي ! اسيبكم فترة اجي ألاقي اعدادتك بايظة كدا المهم يا ظريفة الكلية بتعلمني حجات كتير و أولهم الصبر بس لأني مش ضامنه ردة فعلي لو الموضوع اتفتح تاني هتكون عامله ازاي فقلت احذرهم و افهمك يمكن أكون اتعلمت شوية حجات لحد دلوقتي في الكلية بس درس التحكم في المشاعر لسه مخلصش بخصوص الموضوع اللي مسببلي و مسببلهم كل التوتر ده فقصري معايا 
اردفت زهرة بأبتسامة يشوبها الحزن لما أنهال عليها من ذكريات قائلة 
جنين أنا أسفه يا روحي أسفه أنك اضطريتي تعيشي حجات كتير وحشة في حياتك بسبب و من غير سبب و مش هقولك دا نصيبك و ارضي بيه زي الباقي بالعكس انا مبسوطة أوي أنك اتحديتي الكل و حققتي حلمك و متأكدة أنهم خلاص فهموا إن دي حياتك و حلمك مش مجرد سراب و حاضر يا روحي بكرا من النجمة هروح لبيت بابا و ماما و اوصلهم كل كلامك بالحرف 
نظرت لها جنين نظره غريبة تحمل استنكار ودهشة