روايه حب وحرب الفصل الاول بقلم عفاف سيد

سلام عليكم يا عشاق 
بسم الله الرحمن الرحيم 
حب و حرب
1
كان يا مكان يا سعد يا اكرام كان فيه بنوته 
شرعت جنين في قص قصة قبل النوم كعادتها لإبن أختها الصغير نادر حينما أوقفها نادر مقاطعا معترضا على طريقة سردها قائلا 
يوو يا خالتو تاني فأجابته جنين بسؤال 
مالك بس يا ندوي ما أنا بحكي لك أهو زي ما أنت عايز برر نادر مقاطعته لها قائلا 
يا خالتو قلت لك مېت مرة مش بحب البدايات و لا كان يا مكان ولا بتاع أدخلي في الموضوع على طول 
أبتسمت جنين و أكملت حديثها قائلة 
و الله أنت عيل ثئيل ولا تستاهل أصلا مش عارفة أي دا أول مرة أشوف طفل زيك ياخي 

قاطع نادر حديثها مرة أخرى ببراءة قائلا 
و لا هتشوفي يا خالتو عارفة لي عشان أنا نادر مفيش مني 
جاءه الرد منها سريعا تمسك أذنيه بأصابعها معنفة إياه قائلة 
أيوا ساعدتك أبو الهول يعني ولا أي مش فاهمه ! دا حتى أبو الهول طالع عليه إشعات أنه عنده أخ تؤام مدفون لسه بعدين يا تسمع الحكاية كلها ياما مش هحكي هتقعد تقرف فيا هرميك لأمك سامع 
و مرة أخرى قاطع أحدهم حديثها ولكن هذه المرة لم يكن نادر بل أمه زهرة بأبتسامتها اللطيفة و رقة صوتها قالت 
على أساس هو طالع لأبوه ولا لأمه !
إلا سبحان الخالق نسخة من خالته كأنك أنتي اللي خلفتيه مش أنا يعني ولا شكلي ولا طباعي بعدين أنتي نسيتي من صغرك تقولي مش بتحبي البدايات و الإستهلال اللي ملوش لازمه وهو كمان زيك فقصري معاه و احكي له المفيد على طول 
ردت جنين بحنق شديد 
يا ست الكل على عيني و على رأسي بس الكلام دا كان في الحقيقة و بعدين أنا مين كان بيحكي لي غيرك ! و بتحكي لي حكايات واقعية انتي مش حافظة غير أبو زيد الهلالي و الزير سالم بالله عليكي تسكتي يا شيخة متسديش نفس الواد في الخيال لازم أحكي له الحكاية من البداية عشان يفهم الأحداث أما بقى في الحقيقة رغم أني مبحبش البدايات لأن غالبا بتكون مزيفة بس برضو مضطرين نعيشه ثم أردفت قائلة بحب بعد أن فكرت قليلا 
عارف يواد يا نودي والله لاعمل زي ما أنت عايز ! يعني هنبقي مضطرين نعيش البدايات في الحقيقة و الخيال ! 
هنكنسل البداية و نقراء من الحتة اللي تعجبنا ولو عايز ندخل على النهاية مرة واحده معنديش مانع 
أجاب نادر بمرح قائلا 
أيوا بقى يا خالتو يا عسل دلعيني 
وكانت الجملة التالية من زهرة موبخة لهما هما الإثنان