رواية موضوع عائلي كاملة بقلم رحاب القاضي

هنا وفي اي وقت تشوفيه...
هاجر بضيق
لا برضو مش هينفع يبقي هو في مكان وانا في مكان تاني يعني لا يبقي عنده اب ولا ام...
عدي بجمود
تمام وحضرتك عايزه ايه بقي دلوقتي..
_دخلت في الوقت ده فاطمه وهي شايله حامد وقالت وهي بتقعد معاهم....
فاطمه
جرا ايه يا ولاد ده انتو لسه في البدايه علي الخناق ده كله..
عدي بضيق
طيب احضرينا انتي يا طنط ابو حامد رافض ان ابنه يعيش معايا وانا قولتلها خلاص نجيب شقه قريبه من هنا ومع الوقت الله واعلم هيحصل ايه وبحاول ادور معاها علي حل وهي كل اللي طالع عليها تقول مش هتجوز..
بصتلها فاطمه پحده وقالت

طيب خلاص دلوقتي يا عدي انا هتكلم معاها وانت كده عداااك العيب هي بس تلاقيها خاېفه تبعد عن حامد..
عدي
مش هيحصل يا طنط والله انا كمان بحب حا ومش هبعد عنه...
فاطمه
خلاص طيب دلوقتي احنا زي ما اتفقنا كتب الكتاب في معاده وموضوع الشقه ده وحامد نتكلم فيه بعدين..
هاجر بضيق
هو ايه اللي اا..
فاطمه زعقت فيها وقالت
اخرسي خالص انا ما اسمعش صوتك بدل ما اقوم اجيبك من شعرك ايه الدلع البايخ ده..
اتملت عيون هاجر دموع وقالت
انا قايمه رايحه انام بعد اذنكم..
_واخدت ابنها ومشيت من قدامهم وراحت اوضتها وعدي كان مدايق جدا من تصرفاتها وفاطمه قالتله..
فاطمه
معلش بس يا ابني هي مضغوطه شويه بس انا اوعدك ان كل حاجه هتم زي ما اتفقنا..
عدي
المهم بس انها تكون مبسوطه وراضيه..
فاطمه
هاجر دي دماغها صغيره والله كلمه توديها وكلمه تجيبها كبر انت دماغك بس وكل حاجه هتعدي
عدي وقف وقال
ان شاء الله يا طنط همشي انا بقي وياريت تتكلمي معاها انا مش عايزها برضو تزعل مني..
فاطمه
ربنا ما يجيب زعل ان شاء الله...
_ ومشي عدي ودخلت فاطمه عند. هاجر اوضتها لقيتها قااعده علي السرير وبتعيط وابنها علي نايم علي جلها وقالت فاطمه بسخريه..
فاطمه
اللي بټعيطي عليه ده قوليلي سابك كام مره ده انتي الكرامه رمياها بره كل ما تمسكي تليفونه مسمي سلمي كريم بونو عرف عليكي دعاء ودلال وانتي مخك مش شغال بصراحه بقي وضعه يجنن كان ماشي مع واحده بتسنن وحلفتي بالله ما انتي راجعه كداابه يا واطيه يا بنت الجزمه ده انتي واقعه بتبيعي بكام الكرامه دي ارخص من صلصة راما
قامت هاجر وهي متغاظه منها وقالت
يا باباااا يا باباااا تعالي شوف مراتك دي بتقولي ايه..
فاطمه پحده
هكون بقول ايه يعني انا بوصفك يا بنت المتخلفه ربنا كرمك بواحد زي عدي وانتي برضو لسه باصه علي اللي رماكي وسابك..
هاجر پبكاء والم
لا يا ماما انا مش شايفه غير ابني انا عايزه اقعد جنب ابني وما يبعدش عني وما كنتس عايزه اتجوز ولا ارجع لحد ولو كنت موافقه بعدي فهو عشان بيحب ابني وكمان بسببكم وبسبب ذنكم عليا وذلكم ليا بسبب ان محمد سابني انا بجد تعبت والله تعبت وعلي فكره لو حد السبب في اللي بيحصلي ده هو انتو فيها ايه لما عادل سابني يوم الفرح كنتو سكتو واللي حصل حصل لا ازاي تجوزوني لواحد ما تعرفهوش وكمان تخلوني اروح معاه بيته وانا ما اعرفوش ولا اعرف اهله وسكت واتحملت ويوم ما سابني جايين تلموني انا برضو برغم اني ما اختارتش حاجه ابدا في كل اللي حصل ده...
فاطمه بحزن
اهو سبناكي انا مش هتكلم تاني ورينا يا فالحه بقي هتعملي ايه يمكن هتطلعي القمر واحنا ما نعرفش...
قالت كلامها وسابتها وطلعت وهاجر راحت غيرت هدومها ونامت جنب ابنها وكانت حزينه جدا...
في بيت حامد الصاوي
كانت بطه واقفه في الشباك بتكلم يوسف اللي واقف تحت البيت قدام عربيته وبيقولها وهو مداايق ...
يوسف
بزمتك ده يرضي ربنا يعني كاتب الكتاب وواقف زي شحات الغرام كده تحت البيت
بطه
والنبي احمد ربنا ده عمي حامد لو عرف انك بتكلمني في الفون وبتيجي في نص الليل تحت البيت هيطين عيشتك
يوسف
مطينه يا بطه لوحدها هو اللي يعرفكم يرتاح يا بيت الصاوي
وفي الوقت ده جه صبري وهو متعصب وقال وهو بيكلم بطه بصوت عالي...
صبري
بقي انتي يا مفعوصه تغفليني وتساعديه وتخليه يخطف البت
بطه پخوف
وطييي صوتك والنبي هتفضحني
يوسف
صلي علي النبي يا اسطا فوزي وقولي في ايه 
صبري
عليه الصلاه والسلام
وعلي صوته وقال
بقي يرضيك يا استاذ يوسف البت دي تيجي وتضحك عليا هي واخوها وياخدو اختي من غير رضايا وجايه تحب هنا
يوسف بقلق
يا اسطا صبري انا واقف قدامك بتعلي صوتك ليه وبعدين امسحها فيا عيله وغلطت معلش
بطه پحده
هو ده اللي قدرك عليه ربنا بص الراجل ده حارق دمي من اول الروايه اضربه يا يوسف وخليه ما يقولش عليا مفعوصه تاني
صبري
وكمان ليكي عين تتكلمي يا كداابه انتي
يوسف پحده
ما خلاص بقي يا اسطا صبري وانتي يا بت انتي خشي جوه دلوقتي في رجاله بتتكلم
بطه بعصبيه
وانا ادخل جوه ليه هخاف منه ولا هخااف منه وربنا انا ممكن انزلك وما تعرفش هعمل فيك ايه
صبري
طيب لو قدها انزلي خليني اطلع اللي عمله اخوكي فيكي انتي
يوسف
ما خلاص بقي يا اسطا صبري احترم وجودي يا جدع
طلع في البلكونه حامد وقال پحده
في ايه اللي بيحصل ده هنا 
بطه بقلق
الراجل ده جااي يعمل مشاكل يا عمي ويرمي بلااه عليا
صبري
يرضيك يا حج اللي عملوه عيالك ده
حامد پحده
اكتم يا ولد وليك حق يبقي تطلع تتكلم فووق وما اسمعش كلمه تانيه وانت يا عريس الغفله اطلع معاه يلا
يوسف لطم علي وشه وقال
هي كانت ناقصه خړاب منك لله يا اسطا صبري انت وجوز اختك في يوم واحد
وبعد شويه كانو كلهم قاعدين قدام حامد وصبري قاله اللي حصل وبص لبطه وقال
صبري
لو يرضيك يا حج اللي حصلي ده انا همشي بس انا عايزك تحكم بالاصول
حامد بضيق
بص يا صبري انت حقك تزعل انه خدها بالطريقه دي وبنتي انا هربيها وهحاسب يونس برضو
بطه
يا عمي والله يونس هو ال
زعق فيهغا حامد وقال
انتي تخرسي خالص وحسابي معاكي بعدين عشان تسمعي كلام يونس من غير ما ترجعيلي
صبري بشماته
احسن احسن يارب يرنك علقھ ما تقومي منها يا بعيده
بطه پخوف
تلاقيه في عيالك يارب
حامد
خلاص بقي يا صبري اصلا انت وانا وكلنا المفروض ما نزعلش من اللي حصل ونفرحلهم ان سرهم بقي هادي وبعدين يونس غلط بس جالك واعتذر وقالك عايز مراته تعقد ليه الموضوع يا صبري 
صبري بضيق
يا حج ده جه يهددني و
حامد
واللي حصل حصل خلاص شهد مراته وهو اخدها ومدام مرتاحين احنا عايزين ايه اكتر من كده وبعدين يا صبري انت ابني وانا ديما بعاملك كانك راجل كبير وعاقل بلاش تخليني استصغرك وبعدين هو انا ماليش خاطر عندك يعني
قام صبري وباس راس حامد وقاله
خاطرك فوق راسي يا حج حامد ده كبيرنا وسبق وقولتلك قبل كده ان شهد بنتك وانا سيبهالك في بيتك امانه
حامد
جدع يا ابني واطمن انا بتعهدلك ان اختك هتبقي فوق راس الكل وزيها زي بطه بنتي واللي حصل قبل كده مش هيتكرر تاني
صبري
ربنا يخليك لينا يا حج حامد وما يحرمناش منك ابدا استئذن انا بقي عشان اتاخرت علي اسر وامه
ومشي صبري وعظيمه قفلت الباب وراااه ورجعت لقيت يوسف وبطه قاعدين خايفين قدام حامد اللي بيبصلهم بعصبيه وقام يوسف وقام
يوسف
وانا كمان سايب امي لوحدها وما ينفعش اتاخر
حامد پحده
اترزع اقعد مكانك يا وااااد انت
قعد بوسف بسرعه وحامد قال
قولي بقي انت كنت واقف تحت البيت تعمل ايه عاملي فيها روميو يا عم يوسف
بطه پخوف
والله يا عمي هو كان معدي بس وو
يوسف بجديه
لا يا عم عم حامد انا فعلا كنت واقف بكلم بطه بس هي مراتي وانا من حقي اشوفها كل كام يوم واطمن عليها انا بسمع كلامك وبقالي سنه بقولك حاضر ونعم عشان تتاكد اني مش طمعان فيها ولا في ورث ابوها كل الحكايه اني حبيتها ما كانش بايدي احب واحده اغني مني بس ااهو اللي حصل وانا عندي عزة نفس برضو يا عم حامد يعني فلوسها وورثها ما يلزمونيش ورحمة ابويا ما يلزموني انا كل اللي عايزه هي وبس
بصله حامد بهدوء وقال
ما اشوفكش واقف تاني تحت البيت ولما تبقي عايز تشوف مراتك تيجي هنا وتشوفها وما تخليش حد يتحكم فيكم وخصوصا بعد العيد او بمعني اصح بعد العيد فرحكم وانتو حرين بعد كده
تنحت بطه ويوسف وعظيمه وهما باصين لحامد ومش مصدقين انه وافق يخليهم يتجوزو وقالهم حامد بقلق
حامد
مالكم بتبصولي كده ليه انا بس قدمت معاد الفرح عشان مش ناقص فضايح
وفجاه بطه وعظيمه فضلو يزغرتو ويوسف راح حضڼ حامد وهو مبسوط جدا
_ وعدي يوم في التاني وفي قسم الشرطه كان احمد قااعد هناك ومعاه المحامي بتاع عيلتهم في المكتب وقدامه الظابط ودخل العسكري وهو ماسك نور اللي وشها بقي دبلااان اووي وباصه في الارض بحزن والظابط قام وقال..
الظابط
انا هسيبكم شويه لوحدكم...
طلع الظابط واحمد وشاور لنور علي الكرسي الفاضي وقالها..
احمد
ما تقعدي يا نور هانم..
نور قعدت وقالت
انا مش هانم انا اسمي نور بس..
احمد بحزن
ليه عملتي كده تعرفي ان نسرين قبل ما ټضرب پالنار قدامي كانت بتقولي ارجعلك طيب تعرفي انها رفضت تدينك في اي حاجه او حتي ترفع عليكي قضيه..
نور بدموع
عارفه لانها احسن مني الكل احسن مني اصلا..
بصتله بلوم وقالت
بس انت لا انت اوحش حاجه حصلت في حياتي يا احمد بس ده حق ولازم كنت تبقي كده معايا..
احمد بعدم فهم
انتي كويسه خلاص يا نور ما نتكلمش دلوقتي هيكون افضل..
نور پبكاء
لا لازم اتكلم انا ما اتصدمتش في انك. حبيت غيري لاني كنت حاسه ان ربنا هيردلي اللي عملته في يونس حب طفولتي وعمري كله لما سيبته عشان ما كانش غني زيك انت ووجعته وخليت الحته كلها تشمت فيه..
مسحت دموعها بأيدها اللي بتتنفض
وعشان اهلي عشان الاسطي فايز اللي كان كل حلمه يشوف بنته دكتوره ومحققه

حلمها وبنته بكل قسوه داست عليه وعلي حلمه ومشيت انا اوحش واحده في الدنيا واستاهل كل اللي بيحصل ده..
وكملت بلوم
وانت اللي ضحيت عشانك بكل حاجه ما قدرتش تقف جنبي وتساعدني رمتني لامك تبيع وتشتري فيا انا لو كنت شوفتك مره هتقدر تبقي راجل وتقف قدام امك وتقولها ما تكلمنيش بطريقه مش كويسه انا عمري ما كنت هسمع كلامها في حاجه ولا اخاڤ انها تخليك تطلقني بس انت للاسف ما كنتش راجل ولا مره يا احمد شوفتك راجل في نظري ولا مره حبيتك...
اتملت عيون احمد دموع وقام وقال للمحامي
خليك معاها مش عايزها تاخد ولا يوم هنا بأي طريقه تتصرف وتطلعها فاهم...
وقرب من نور وباس راسها وبصلها بدموع وقال
بس انا حبيتك يا نور ولما قولتلك اني بحبك ما كنتش بكدب عليكي ولا