رواية موضوع عائلي كاملة بقلم رحاب القاضي
المحتويات
ابتسم وقالها
ايوه يا امي هو مازن وبالليل هيكون عندك..
اتملت عيونها دموع وقالت
طط طيب هو فين دلوقتي انا عايزه اشوفه كويس صح قولي ان احساسي غلط وانه كويس..
محمد
والله العظيم كويس يونس شافه وبيقولي انه زي الفل وبالليل هيجي ويشوفك..
هناء بفرحه كبيره
طيب انا هروح اعمله كل الاكل اللي هو عايزه وكمان هروقله اوضته وارتبله كل الندوم الجديده اللي جبناها ليه وانت اسمع هاتله الموتسيكل اللي كان نفسه فيه..
ضحك محمد وقال
ههههه حاضر يا ماما اوعي تنسي البسبوسه بالقشطه اللي بيخبخا لاحسن يقلب خلقته علينا واحنا مش ناقصين..
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
لا طبعا دي اول حاجه هعملها ليه انت رايح تقابل هاجر مش كده..
محمد بقلق
تفتكري هترجع مش كده..
هناء بحزن
اتمني بصراحه توافق وابنكم يتربي بينكم..
_ اتنهد محمد بضيق واخد عربيته وراح عشان يقابل هاجر اللي كانت قاعده في كافي مستنياااه وقبل ما يجي محمد رن عليها عدي اخدت نفس عميق وردت عليه وقالت..
هاجر
الو..
عدي
ازيك يا هاجر عامله ايه..
هاجر بهدوء
تمام الحمد لله انت عامل ايه..
عدي
اما كويس الحمد لله بقولك انا كنت ناوي افاتح اهلي النهارده في موضوعنا عشان نحدد معاد بقي ونيجي نقرا فاتحه..
هاجر بتوتر
حاضر ماشي..
عدي
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
هاجر بتوتر
لا ااا انا اا انا بره هقابل محمد قال عايزني في حاجه مهمه تقريبا كده حاجه تخص حامد..
عدي بضيق
طيل تمام هستناكي تخلصي وتكلميني عشان نتفق تمام..
هاجر
تمام مع السلامه...
_ قفلت معاه وفضلت باصه للنيل جنبيها وبعد شويه جه محمد وقعد قدامها وقالها..
محمد
اتأخرت عليكي..
هاجر
لا ابدا انا اللي جيت بدري كنت حابه اقعد مع نفسي شويه..
محمد ابتسم وقال
عارفه يا هاجر اكتر حاجه زادت من احترامي ليكي اني كنت فاكر بعد ما هنتطلق هتقلعي الحجاب وهترجعي زي الاول علي الاقل عشان تستفزيني بس لقيت العكس انك بقيتي احسن وبقيتي تلبسي درسات واسعه وبطلتي تحطي ميكآب اصلا..
انت جايبني هنا عشان تقول الكلمتين دول..
محمد
لا طبعا هو انتي تعرفي ان انا اصلا فسخت خطوبتي..
هاجر
ايوه شوفت الخبر علي الفيس بس برضو ايه الموضوع اللي انت قولتلي انك عايزني فيه..
محمد بهدوء
نرجع.... عايز نرجع يا هاجر..
هاجر بصت لنفسها وقالت
استني كده تشوف الزارار فين..
محمد بعدم فهم
زرار ايه..
هاجر پحده
الزرار اللي انت فاكر انك بعد ما هتسيبني هتدوس عليه وانا ارجعلك بدور عليه عشان اكسره وارميه قدامك في المايه..
جات تقوم بس محمد قال بسرعه
انا بحبك يا هاجر اما كنت اغبي بني ادم في الدنيا لما سيبتك انا اسف ومستعد اعمل اي حاجه انتي عايزاها بس نرجع..
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
لحد امتي هنرجع احد. ما تلاقي الاحسن مني وتسيبني يا محمد ولا جاي ترجعني عشان ابنك ولا عشان ايه بس اوعي تقولي عشان بحبك عشان انت عمرك ما حبتني..
مسحت دموعها وقالت
انا فهمااك كويس انت اللي خلاك ترجع تفكر فيا تاني هو انك شوفت حد جنبي وبيهتم بيا في اول مره سيبتني فيها كان عادل موجود وقتها انت رجعتني وانت مش عايز ترجعني بس عشان غرورك ما سمحلكش ان حد غيرك يكون في حياتك وانت كان عاجبك موضوع اني افضل زعلانه عليك واربيلك ابنك وانت تعيش حياتك عادي ايه الظلم ده بزمتك ده يرضي ربنا..
محمد بحزن
والله انا جيت ارجعك عشان انا عايز اكمل معاكي وعشان حامد يتربي معايا ومعاكي وما يحسش بنقص انا ظلمتك وجرحتك بس ندمت اهو وو..
هاجر
هفكر..
محمد ابتسم وقال
بجد يا هاجر..
هاجر بجمود
هفكر في مصلحة ابني وابقي ارد عليك بعد اذنك..
_ قالت كلامها وقامت مشيت وحطت ايدها علي قلبها ودموعها ملت عيونها وكل اللي جه في بالها وهي ماشيه معاملة محمد ليها زمان وقت ما كانو متجوزين....
_تفتكرو بقي هيحصل ايه..
بقلم_الكاتبه_رحاب_القاضي
_ وفي بيت صبري..
كانت شهد قاعده في اوضتها ومعاها بطه وزهره..
بطه
خلاص بقي يا شهد طيب والله يونس ده غلبان..
شهد بسخريه
هه ااه غلبان مع الكل اللي انا..
بطه
ما تكبريش الموضوع يا شهد وان شاء الله يهدي ويرجعك وو..
شهد پحده
ما كبرش ايه انتي كمان يا بطه ده لما عرف اني حامل ضړبني وكأني بقوله حامل من راجل تاني..
زهره
بلاش الكلام ده يا شهد وبطه معاها حق لو جه ورجعك بلاش تكبري الموضوع وارجعي معاه..
شهد بدموع
ده لو جه اصلا يا بطه بزمتك يا شيخه هو اللي قالك تيجي ولا انتي جايه من نفسك..
بطه بضيق
انا جيت من نفسي بس عشان شايفه اخويا تعبان من غيرك يا شهد..
شهد بحزن
لا تعبان ولا حاجه تلاقيه مستنيها ترجعله دلوقتي لو كانت نور مكاني اخوكي كان هيبقي مبسوط دلوقتي...
بطه
والله انتي فاهمه غلط واهو كمان شويه جاي هو وعمي حامد وهتشوفي انها كانت لحظة شيطان وراحت لحالها...
بقلم_الكاتبه_رحاب_القاضي
_وفي المستشفي....
كانت نسرين قاعده عند بسمه في الاوضه وبتقرأ قرآن علي موبيلها بس فجأه فصل شحن... قامت طلعت بره عشان تتصرف وتجيب شاحن لقيت احمد جاي وفي ايده شنطه..
نسرين
هو حضرتك جيت هنا تاني ليه..
احمد
جيت اطمن عليكي... اا وعلي بوس بوس وجيبتلك شاحن وهدوم وو..
نسرين
لا مالوش لازمه انا هتصرف واسفه جدا يا دكتور علي اللي حصل الصبح واكيد المدام نو.. قصدي نور هانم عملت مشكله لحضرتك و..
احمد
نسرين اهدي ما فيش حاجه حصلت والا ما كنتش هبقي واقف معاكي دلوقتي لو انتي كنتي عملتي حاجه غلط فما تتأسفيش..
نسرين بضيق
بس هو يعني كان غلط اني افضل معاك في اوضه واحده امبارح وو..
احمد قرب منها وقال بهدوء
قولت اهدي ما فيش حاجه حصلت المهم خدي بس غيري هدومك واشحني موبيلك قبل ما يفصل وتعالي ننزل تحت عشان عايزك في موضوع مهم..
نسرين
لا انا مش هاخد الحاجات دي انا هروح البيت هغير هدومي واجيب الشاحن و..
احمد
طيب خدي دول دلوقتي وبكره هوديكي البيت بلاش تروحي لوحدك بالليل كده ليكون العفريت مستنيكي..
ضحكت نسرين بهدوء وقالت
ماشي يا دكتور احمد وبجد شكرا جدا انا هغير فين بس..
احمد
هنا في الاوضه اللي كنا بايتين فيها امبارح انا حجزتهالك عشان تفضلي جنب خالتك براحتك وكمان ما حدش هيدخلها تاني ابدا..
نسرين
ده ليه يعني...
احمد بهدوء
مش وقته دلوقتي اقولك روحي يلا ده انتي رغايه اووي..
نسرين
رايحه اهو ما تزوقش بس...
_ دخلت نسرين الاوضه اللي هتغير فيها واحمد ملامحه اتغيرت للڠضب وافتكر كلام سلطان وقرر ان هيحصل....
_ تفتكرو هيحصل ايه...
بقلم_الكاتبه_رحاب_القاضي
_وبعد شويه في بيت صبري.....
كان قاعد يونس هناك مع صبري ومعاه حامد..
يونس
انا عند قراري ومش هغيره مش همشي انا بكلمة اختك...
صبري پحده
اومال انت جاي ليه...
حامد پحده
جاي ياخد مراته يا صبري ويحلو الموضوع بينهم..
صبري بضيق
لا لا الموضوع كبير اووي يا حج حامد المره دي مدام كاره اختي ومش عايزها ما كانش تعب نفسه وجه من الاول ولا تمم الجوازه دي..
يونس پحده
هي قالتلك اني قولتلها كده...
صبري
لا ما قالتش بس افسر ايه اللي انت بتعمله ده بقي في راجل يا حج حامد ما يبقاش عايز يخلف من مراته غير لو كان مش عايزها..
حامد
هو بس للموضوع جاله فجأه يا صبري وخلاص هو مش اا..
يونس پحده
لامؤخذه يا حج بس انا قولت مش هغير رأيي شهد انا قولتلها دلوقتي لا ولسه بدري علي الموضوع ده راحت غفلتني وعملت عكس كلامي ولا عملتله اي قيمه كمان وانا ما اتخلقتش اللي تمشي كلامها علي يونس الصاوي..
صبري
ومدام انت شايفها كده يبقي علي ما في خيلك اركبه واختي مدام عايزه حملها يتم هيتم..
وقف يونس وقال بصوت عالي
تمام خليها بقي تربيه لوحدها انا لا عايزها ولا عايزه هو كمان...
وقف صبري وقال بعصبيه
في ستين داهيه هو انا ما ربيتهاش زمان عادي جدا زي ما كبرتها وعملتها بنتي ابنها هيبقي ابني ونبقي نقوله ابوك ماټ بسيطه..
حامد بعصبيه
اقعد يا صبري وسيبك منه خالص..
يونس پغضب
انا ماشي يا حج خلص قعدتك وتعالي واخر كلام عندي في الموضوع ده انا قولته اهو...
_ قال كلامه وطلع بره البيت وهو متعصب ورزع الباب وراااه جامد..
حامد
لا حول ولا قوة الا بالله حقك عليا انا يا صبري انا والله ما هعدي اللي عملو ده علي خير بس قوم خلي شهد تيجي معايا..
صبري پغضب
تيجي معاك فين يا حج ارجعها لمين وجوزها مش عايزها..
حامد
والله انا عارف ابني كويس هيطلع يطلع وينزل علي ما فيش خليها بس تيجي تقعد عندي وما نكبرش الموضوع ..
صبري
بص يا حج حامد اكيد مش انا يعني اللي هعرفك الاصول خلاصة الكلام انا اختي عندي ابنك عايزها يجي وياخدها ويعتذرلها علي الكلام اللي قاله ده وهي برضو براحتها...
وقف حامد وقال
ارجع واقوب حقك الكلام مش معاك الكلام مع ابني وخلي بالك من اختك وربنا يصلح الحال..
_واخد حامد بطه معاه ومشيو وشهد فضلت قاعده في اوضتها بټعيط كانت عارفه انه هيزعل بس ما توقعتش ان زعله هيكون بالطريقه دي..
زهره
انت رايح فين يا صبري..
صبري بضيق
عندي شغل تحت في الورشه نامي انتي انا هتأخر..
زهره
طيب وهو الشغل ده ما يتأجلش لبكره يا ابو اسر ده انت طول اليوم واقف علي رجلك..
صبري
ولاتعب ولا حاجه يلا فوتكم بعافيه وابقي ادخلي اطمني عليها...
بقلم_الكاتبه_رحاب_القاضي
_ وفي عربية علي..
كانت ولاء قاعده جنبيه وماسكه الفون بتاعها وبيتصورو هما الاتنين فيديو وبتقول..
ولاء
من من... من من تلك المنصوصه عود الخيزران الناشف..
علي بطريقه شعبيه
هي بعينها اللي ما تجيش صبااع في حضرتك..
قفلت ولاء الفيديو وهي بتضحك وقالت
والله شكلك مسخره وانت عامل زي ام صلاح بتاعت الجرجير كده..
علي بغيظ
تصدقي انا غلطان اني مهزأ نفسي معاكي ومع التيك
توك بتاعك ده يا تافهه..
ولاء
طيب انزل هات الاكل لحد ما اظبطه واشيره...
علي
تمام بس ما حدش غريب يشوفه..
ولاء بخبث
اطمن هو بس هينزل علي الخاص عندي وبس..
علي
طيب انا هنزل اجيب الاكل واجيلك..
_ ونزل علي من العربيه وولاء كمان نزلت ووقفت بره العربيه واول ما راح علي يجيب الاكل قرب مازن من ولاء وقالها..
مازن
عامله ايه يا ولاء..
_رفعت ولاء عينيها من علي الموبيل وبصتله پصدمه ودموع و...
_تفتكرو هيحصل ايه لابطالنا...
_رأيت فلان وتعجبت علي أحواله لا أتذكر متي رأيته سعيدا وكان دائما ما يخبرني انه بأنتظار الفرح ولكنه بالنهايه كان ضحېة أخطاءه..
مازن
عامله ايه يا ولاء..
_رفعت عينيها من علي الفون وبصتله بكل حزن وعيونها اتملت دموع وكأنها بتشوف دلوقتي في اللحظه دي كل حاجه كانت بينهم وهو قرب منها بهدوء وكان باين عليه حزنه بشكل كبير وكرر سؤاله ليها مره تانيه وقال..
مازن
عامله ايه يا ولاء..
ولاء بجمود
وانت مالك بتسأل عليا ليه وايه اللي جابك تاني..
مازن بدموع
اا انا كل يوم بشوفك كل يوم بكون قريب منك وبطمن عليكي ومبسوط انك بقيتي احسن دلوقتي..
ولاء پحده
عشان انت ما كنتش موجود انا بقيت احسن ولو فاكر كلامك ده هيأثر فيا تبقي بتحلم انا مستحيل اصدقك ولا حاي اتعاطف معاك ابدا انت ايه اللي رجعك احنا كلنا كنا مرتاحين من غيرك...
مازن دموعه نزلت وقال
انا
متابعة القراءة
