رواية ساره كامله

بتوتر من نظرات مليكة مسافرين أنا وفارس
شهقت مليكة وقالت وحياة طنط !!!
ضحكت سارة وقالت إهدي بس علاقتي أنا وأخوكي إتصلحت وبقينا حلوين مع بعض ف
ضحكت سارة وقالت ومالو ومالو
في مكتب عبدالله 
عبدالله مشبك إيديه في بعض وحاطتهم علي المكتب وفارس باصص في الأرض وساكت..
عبدالله بهدوء وبعدين متأكد إنك صلحت علاقتك بيها!
رفع فارس راسه وقال بعيون دامعه صدقني والله بحبها وعايز أكمل حياتي معااهاا
عبدالله بشك طب وميرا 
فارس إتحول وقال پغضب ميرا وزفت وديني ما هسيبها ميرا قربت مني لهدف إنتقام..
عبدالله پصدمة نعم!! وإنتقام إيه دا 
فارس بشرود إنتقام وخلاص مسيرك تعرفو بس المهم إن هاخد سارة وهسافر بيها فتره أعوضها
رجع عبدالله ضهره بأريحيه وقال المهم إنكم تكونو مبسوطين
فارس بثقه متقلقش .
بعد ساعة في شقة فارس 
دخلت سارة وخلعت الطرحه وقالت أحضرلك العشا 
فارس وهو بيحرك رقبته يمين وشمال لو هتاكلي معايا نحضر سوا لو مش هتاكلي فكك
قعدت سارة جمب فارس علي الكنبة وقالت تاكل بيتزا!
بصلها فارس بإستغراب وقال نطلبها دليفري يعني!
سارة هزت راسها يمين وشمال وهي مبتسمه
بصلها فارس بتضييق عين وقال إوعي تقولي إنك إنتي اللي هتعمليها
ضحكت سارة وقالت هنعملها
ضړب فارس علي وشه وقال تلبك معوي مود أون
سارة بلوية بوز إخس عليك بقا أنا أكلي وحش!!
شدها فارس لحضنه وقال إنتي ك سارة مش وحشه أكلك هيبقا وحش برضوا 
ملست علي دقنه وقالت طب يلا نقوم نغير ونعملها ونبعت البواب يجبلنا بيبسي وشوكلاتات كتير وشيبسيهات كتير
فارس پصدمة ما أجبلك السوبر ماركت كلو أحسن 
سارة بإبتسامة لزوم التحليه يا فارس
مسك فارس الفون وقال هطلبهم دليفري من السوبر ماركت كل اللي إنتي طلبتيه دا
رن علي السوبر ماركت وقال أحم ألو .. إزيك يا مرعي 
بقولك يا مرعي كنت عايز منك خدمه كدة ..
مرعي أؤمرني يا فارس بيه
فارس وهو بيبوس خد سارة كنت عايز منك تجبلي علي شقتي حبة تسالي كدة .. أه شيبسي وبيبسي وشوكلاتات وكدة يعني روقني إنت في الطلبات وأنا هروقك
لفت سارة وش فارس ليها وقالت بهمس و أندومي وفشار
بصلها فارس پصدمه وبعد الفون عن ودنه وقال نعم يختي!! أندومي
باسته من خده وقالت وحياتي
فارس بغيظ كام واحد يا أخرة صبري
سارة ببراءه هاتلي أنا أربعه ولو هتاكل منو هاتلك إنت كمان بس متجيش جمب الأربعه بتوعي
حط الفون علي ودنه وقال خليك معايا يا مرعي ثواني
بعد الفون تاني
وقال طعمو حلو
سارة بإبتسامة واسعة جدا
فارس كان لسه هيتكلم سارة إفتكرت تعبو وقالت لأ لأ متجيبش أندومي لأ
فارس بشك ليه ما إنتي كنتي عايزاه !
سارة وهي بتمشي صوباعها علي دقنه تؤتؤ خلاص مش عاوزه
إستسلم ليها وحط الفون علي ودنه وقال معلش يا مرعي زود فشار معاك وبس كدة .. تمام يا 
بعدت إيده وقامت وقالت قوم غير يلا علشان نلحق
قام فارس ودخل غير هدومه وهي كمان ووقفت في المطبخ بتجهز العجين..
الجرس رن .. طلع فارس مبلغ من محفظته وفتح الباب أخد الحاجة من مرعي وإداه فلوسهم وبزيادة
دخل لسارة المطبخ وحط الحاجة علي الرخامه وقال أساعدك في إيه 
بصت سارة حواليها وقالت إمممم إفتح التلاجة وطلع الطماطم قطعهالي شرايح
فارس بإستغراب يعني إيه شرايح!
ضړبت سارة علي وشها وقالت لسه هعلم يارب
طلعت الطماطم وغسلتها كويس وقطعت واحده قدامو وقالت كدة
أخد فارس منها السکينه وشمر كم التيشيرت وقال إستعني علي الشقي بالله..
يتبع..
البارت الحادي عشر 
دمتم سالمين
البارت الثاني عشر والثالث عشر الاخير ساره نزلتها كلها اهو لعيونكم تفاعل حلو بقي لعيونادمتم بخير 
شمر فارس كم التيشيرت وقال إستعني علي الشقي بالله
ضحكت سارة بصوت عالي وقالت إنت لو رايح تدبح مش هتقول كدة بجد
فارس برق وقال بجدية مصتنعه إسكتي يا بت دا أحسن الشيفات رجالة
سارة بضحكة مكتومة واضح واضح
قطع فارس الطماطم و مسح عرقه المصتنع وقال لا خلاص فرهدت
سارة كانت بتقطع البانيه لما سمعت الكلمة دي وقفت اللي بتعملو وقالت نعم ياخويا
فارس بتوتر بقول هعمل إيه تاني غير الطماطم
سارو رفعت السکينه في وشه وقالت أبقي أسمع الكلمة دي تاني طلع طماطم من التلاجة
فارس بتعب تاانيي!
سارة هزت راسها بيأس وقالت المرادي هعملها صلصه علشان تتحط علي الوش
فارس فتح باب التلاجة وقال وهو بيشاور ما أهو فيه صلصه معلبة
سارة هزت راسها وقالت بفضل اللي بتتعمل في البيت أحسن من بتاعة برا
مسح علي وشه بضيق وطلع طماطم وحطها علي الرخامه قربت سارة وعرفته يقطعها إزاي وكملت اللي كانت بتعمله
سارة قربت من فارس بعدها بشويه وقالت حبيبي
فارس بص علي إيديها اللي ماسكه دراعو وعلي ملامحه المبتسمه وقال عيونه
سارة بهمس ممكن خدمة
فارس بنفس الهمس قولي
سارة ببراءه قطعلي البصل أرجوك
فارس بعدها عنه وقال إنتي جايه تتمسحي فيا زي القطط علشان أقطعلك بصل مستحيل يا 
رفع فارس راسه وقال وهو بيغمض عينه ويفتحها منك لله يا سارة ربنا علي القوي مش شااااايفف
ضحكت سارة وقالت ألاه إغسل وشك وكمل يا بيبي
فرك عينه وبيحاول يفتحها مش عارف قام رزع السکينه علي الرخامة وقال بزعيق مش مكمل
سارة حاطه إيديها علي بوقها وبتضحك فارس مد إيده وهو بيدور علي الحنفية وبيقول راحت فين ديي سارة فين الحنفيه
سارة مسكت إيده وفتحتلو الحنفية وغسلتلو وشه وهي بتضحك
فتح عينه وقال ياااه النظر نعمة يشيخه مش مكمل يا سارة في تقطيع البصل أقولك مش لاعب
كان هيطلع من المطبخ مسكت إيده وقالت خلاص خلاص هكملو أنا وإنت إعمل حاجة غيره
عدل التيشيرت وقال لولا إنك حلفتي بس..
طلعت سارة صينية البيتزا من الفرن وقالت خلصنا
فارس كان واقف بيهوي علي وشه وبيقول ساعتين علشان أطفح بيتزا ليه ما كنت جبتها دليفري وخلصنا لازم اللفه المنيلة دي
غمزتله سارة وقالت بس هتعجبك
فارس كان هيقربلها مسكت الصينيه وقربتها منه بعد كدة حطتها علي الرخامة وبدأت تقطعها وفارس واقف جمبها بيطبل علي الرخامة وسارة بتدندن
فارس بياكل بإستمتاع وبيقول متجوز الشيف الشربيني يا ناس
سارة بغرور علشان أنا حته تقيلة في البلد يابني
فارس بمغازلة أحلي حته
سارة ضحكت وقالت طب إنجز علشان ننام الساعة بقت 12 بليل
خبط فارس علي صدره وقال بدراما يا مصېبتي تنامي وتسيبي كمية التسالي دي لوحدها كدة
مسحت سارة بوقها وقالت علشان نلحق نروح لدكتور معتز متنساش إنه قال الساعه 9
فارس بلا مبالاة سيبك منو سيبك
مسك ريموت التلفزيون وقال تحبي تتفرجي علي إيه
سارة بصتله وقالت فارس إحنا لازم ننام بدري
فارس بعم إهتمام نتفرج علي إيه 
بصتله بيأس وقالت أي حاجة يا فارس أما نشوف أخرتها
شغل فارس فيلم مغامرات وبدأو يتفرجو وهما بيتسلو
الساعة 2 قامت سارة لمت الحاجة وطفت التلفزيون ووقفت قصاد وفارس وقال بأمر يلا
فارس بإستغراب يلا إيه 
سارة ببرود هننام علشان منتأخرش يلا..
فارس قام معاها ودخلو الأوضة
نام فارس علي السرير ومركز مع سارة اللي طلعت شنطة سفر صغيره حطت فيها هدوم تكفيهم الفترة اللي هيقعدو فيها هناك
خلصت ونامت علي السرير وإدته ضهرها
بص هو ليها شويه وبعدها قرب منها ولفها ليه وأخدها في حضنه وقال خليني أنام وإنتي في حضڼي جايز تكون أخر مره
حضنته جامد وقالت مش هتبقي الأخيره إن شاء الله وهتعيش وتفائل يا فارس أرجوك متقولش كدة أنا قلبي بيتقبض وبيوجعني
باسها من خدها وقال تصبحي علي خير يا قلب فارس
وناموو وهما مبسوطين .
الساعه 10 صباحا 
دخلت سارة وفارس المستشفي إستقبلهم معتز ووداهم أوضتهم وقال لفارس الإسبوع اللي جاي فيه جلسه وركز كدة ها
قعد فارس علي السرير وحط راسه بين إيديه وساكت.. تعبان نفسيا محتاج يرتاح
قربت سارة ورفعت راسه وأخدته في حضنها وقالت إرمي حملك عليا متخافش هستحمل هنكمل بعض هشيل حملك وهسندك وهقف جمبك ومعاك
إترمي فارس في حضنها وقال مش خاېف من التعب مش خاېف من أي حاجة غير إنك تسيبيني مش عايزك تسيبيني عايز طول عمري أكون في حضنك وبس
باست راسه وقالت قوملي إنت بالسلامه وأنا هربطك في حضڼي مش هطلعك منو حتي لشغلك وننزل أنا وإنت نشحت سوا
عدا شهر وإتنين وتلاته 
وفارس مازال بياخد كيماوي وسارة دافع قوي ليه ومبسوط بوجودها جمبو ومش حاسس بأي حاجة ولا خاېف طول ما هي جمبو.. علي أخر اليوم بياخدها في حضنه وينامو وقررت سارة إنها تسامحه وتعيش معاه بعد ما يتعافي ولكن..
دخلت سارة الأوضة وقالت بمرح فارس اللي فارسني يلا علشان تاكل
فارس بضيق لأ بجد زهقت من أكل المستشفي
قربت منو سارة وقالت بهمس بليل هجبلك بيتزا يكون قليل أوي الصاحيين وأجبلك بيتزا أو أي حاجة تحب تاكلها
مسك إيديها وباسها دخل معتز وقال إيه يا بطل عامل إيه
فارس بإبتسامة الحمدلله بخير
معتز بإبتسامة طب يا سيدي فيه دفاع قوي وعزيمة وبتتحسن وبإذن الله كام جلسه كمان وتكون إتعافيت تماما
فارس إبتسم إبتسامة واسعه وبص لسارة اللي هو
بفضلك ومن أجلك أنا بتعافي . 
طلع معتز وقام فارس
دورت علي فونها ملقتوش ف قالت هطلع أشوفو برا وأجي
طلعت وقابلتها الممرضه وهي بتقول مدام سارة فون حضرتك نسيتيه جوا
أخدته سارة وإبتسمت جات تدخل الأوضة تاني سمعت فارس بيتكلم في الفون وبيقول ..
فارس بهمس ألو يا حبيبتي
ميرا بحزن مصتنع حبيبتك فين بس لما إنت مش بتسأل فيا خالص
فارس بحب وهو علي نفس الهمس علشان سارة متسمعهوش أسف يا حبيبتي مشغول أوي في صفقة وسافرت وبابا أصر أخد معايا الزفته اللي إسمها سارة علشان شهر عسل وكدة أسف يا نورعيني لما أجي هشوفك
سارة كانت واقفه بتسمع بوش جامد كإنها إتعودت تسمع دا وكإن المكالمه دي فوقتها وفكرتها باللي عملو زمان..
فتحت الباب ودخلت في اللحظه دي فارس قال طب هخلص الصفقه وأبقي أكلمك يا كريم باي
قفل فارس وبص لسارة وقال بإبتسامة لاقيتي فونك
بصتله بصه طويلة وقالت أه لاقيتو يا حبيبي الممرضه جابتهولي
فارس شدها لحضنه وقال وحشاانيي
سارة وهي بتلعب في دقنه اللي كبرت سيكا ما أنا جمبك يا فارس دايما إنت يادوب مش بتشوفني غير وقت النوم بس وكمان ببقي نايمة في حضنك
فارس قرب منها وباسها وقال وحشااني
سارة فهمت قصده بعدت عنه وقالت أما نروح يا يا فارس يلا علشان تاكل
بصلها بضيق وقال إنتي فصيله وظالمة
سارة بتكمل أه وظالمه وسيئه في رواية الجميع وأدي أمضتي أهي إتفضل برضوا كل
بدأت تأكلو ف قال فارس خاېف أتعود علي الدلع دا ومره واحده ألقاه إختفي
حطت المعلقه في بوقو وقالت ليه يا حبيبي يختفي
بلع فارس الأكل وقال نكد وهرمونات يا روحي
ضحكت سارة وقالت متقلقش يا فارسي مش هقدر مدلعكش دا إنت العين والنن
باس فارس إيديها اللي ماسكه المعلقه وقال والله العظيم بحبك مش عارف أقولك إيه أكتر من كدة
سارة لما قالها الكلمه دي حست إن فيه حبل إتلف علي رقبتها وإتخنقت وعينيها دمعت مسكت دمعتها بالعافيه وإبتسمت