رواية ساره كامله

علي اللي عملو فيا حتي لو رجعنا مع بعض وسامحتو بس المشكله إن مش قادره أسامحه أصلا
غطت وشها بإيديها وبدأت ټعيط
قربت منها مليكة وقالت بقلق خلاص أرجوكي كفايه عياط بقا وسيبك منو وهنعلمو الأدب وقومي كدة إعمليلنا فشار علشان معايا أفلام حلوه علي اللاب نتفرج عليها سوا ..
طلعت سارة عملت الفشار ودخلت الأوضة تاني..
في أوضة فارس 
كان قاعد حزين ومهموم وبيلوم نفسو علي اللي عمله وبيفتكر ذكرياتهم سوا قطع تفكيرة رنة موبايله..
مسك الفون وقال بضيق ألو يا ميرا
ميرا بدلع يعني لو مرنتش عليك مترنش ولا تسأل عني
مسح فارس علي وشه وقال معلش يا ميرا كنت مشغول شوية
ميرا مشغول في إيه أما إنت بقالك يومين مروحتش الشغل يا فارس إيه اللي شاغلك ولا تكون تميت جوازك عليها
فارس ببرود متمتش حاجة يا ميرا بترني عليا الفجر ليه 
فارس بسخرية وبرود ميرا متستعبطيش ما إنتي عارفة اللي فيها وإن عمري ما لمستك يبقي ليه اللف والدوران دا 
ميرا پبكاء مصتنع أصل فكرتك معاها وإنت عارف إن بغير عليك من كل حاجة إنت أه ملمستنيش بس أنا نفسي تبقي ليا ولوحدي طلقها يا فارس وتعالي نتجوز
فارس بنعاس مصتنع هنام يا ميرا ولما أصحي هكلمك باي..
قفل في وشها السكه قبل ما ترد عليه ميرا لما قفل في وشها السكه
رمت الفون بعصبيه علي السرير وقالت پحقد أقسملك بربي ما هبعد عنك ولا هسيبك في حالك إلا لما أخلص إللي أنا بدأتو
في شقة فارس 
كان قاعد زهقان ومش جايلو نوم ومش عارف يعمل إيه
قام وراح عند أوضة الأطفال وخبط
فتحت مليكة الباب وهي بتقول فيه حاجة يا فارس
فارس بتساؤل وهو بيبص ورا مليكة علشان يشوف سارة إنتم صاحيين
مليكة إبتسمت ووسعت شويه علشان يبص وقالت أه صاحيين
حك فارس في دقنه وقال تعالو نتفرج علي فيلم أصل أنا زهقان ومش جايلي نوم ومليت من القاعده لوحدي
لفت مليكه راسها لسارة وقالت إيه رأيك يا سارة
سارة وهي بتقفل فونها لأ روحو إنتم أنا هنام
مليكة راحت شدت إيديها وقالت سارة إنتي لسه قايله مش جايلك نوم تعالي نطلع وخلصي
طلعت سارة مع مليكة وهي مش عايزه تقعد معاه في مكان واحد لإنها مش هتقدر تهرب من نظراتو
قعدو علي الكنبه اللي قدام التلفزيون .. فارس قعد ناحية اليمين وجريت مليكة قعدت ناحية الشمال علشان سارة تقعد جمب فارس وبالفعل قعدت جمب فارس بس لازقه في مليكه جدا
مسك فارس الريموت وبدأ يقلب وسارة بتبص للتلفزيون بملل بس فاجأة صړخت وقالت وهي بتشاور علي التلفزيون وقف وقف سيب الكرتون دا سيبه
بصلها فارس پصدمه وقال إيه!
سارة وهي مازالت متحمسه وبتبص للتلفزيون بلمعة عين إسبونج بوب أنا بحبه أوي
فارس بحب وهمس علشان هي بس اللي تسمعه وأنا بحبك أوي
سارة فاقت علي الكلمه وقالت بتوتر متغطي بجمود لو سمحت سيبه..
ضحك فارس بخفة وساب الريموت علي الترابيزه وهو متابعها وهي باصه للتلفزيون بلمعة عين وإبتسامة مرسومة علي شفايفها..
قرب منها براحة لحد ما حط إيده علي ضهرها وشدها من وسطها لناحيتو كانت لسه هتعترض قال بهمس جمب ودنها خلينا قاعدين حلوين كدة علشان معملش حاجة مش هتعجبك
زعقت وقالت لأ كدة كتير أوي .. كدة كتير جدا
قالت مليكة بإستغراب فيه إيه يا مچنونة
قالت سارة بتوتر مفيش يابنتي إنتي مش حاسه بالناموس البارد اللي عمال يقرص دا مش حاسه بيه خالص كدة بصت علي فارس بغيظ 
غطي فارس وشو وضحك من غير صوت ومليكة بصتلها بعدم فهم وقالت ناموس إيه يا سارة إحنا في شتا يا ماما وبعدين مفيش ناموس أصلا!
سارة وهي بتبص علي التلفزيون خلاص خلاص كانت ناموسه وراحت لحالها كملي تفريج كمليي..
وهما قاعدين فارس مش مبطل يناكف في سارة ومليكه متابعاهم في الخباثه بس ساكته فون فارس وصله ماسدج إتصدم منها وفي ثواني كانت الدموع متجمعه في عيونه..
يتبع..
البارت السابع
بارت 8 ساره
مليكة لاحظت شرود فارس قالت بقلق فارس إنت كويس
فارس جاهد علشان دموعه متنزلش وقال بإبتسامة أه يا بنتي كويس أهو
بصتله سارة بطرف عينيها لاحظت دموعه بس فضلت إنها تبقي ساكته
قالت سارة وهي بتفرك في إيديها بكرة الفرح
باس كتفها وقال بإبتسامة روحي وإنبسطي مقدرش أقولك لأ
مليكة بحماس ما تيجي معانا يا فارس
فارس بص لسارة لقاها ساكته تماما وباصه قدامها قال لسارة أجي يا سارة 
سارة قالت بتوتر عادي ت..تعالي
شدها ليه أكتر وقال بهمس أكيد هاجي
سارة بعصبية خفيفة
وهمس من فضلك كفاية بقا وإبعد إيدك مينفعش كدة
ضحك بخفة وقال أنا داخل أنام..
مليكة بحزن أقعد معانا شوية يا فارس يعني مطلعنا نقعد معاك وفي الأخر تدخل تنام
فارس قام وباس راسها وقال معلش يا حبيبتي ورايا مشوار مهم لازم أروحه الصبح قبل الفرح
إبتسمت مليكة وهزت راسها قرب من سارة وباس راسها وباس خدها بعمق وقال تصبحي علي خير يا حبيبتي مش هنزل بكرة إلا لما أكل من إيدك
وطت راسها وقالت بخجل ماشي
غمزتله مليكة وقالت يسهله ياعم
ضربها علي راسها بخفة وقال إتلمي يا بت
ضحكت مليكة وخبت سارة وشها في إيديها
إبتسم فارس ودخل الأوضة وأول ما دخل قعد علي السرير وحط راسه بين إيديه وبيعيط في صمت وبيفتكر المسدج اللي جاتلو ..
في الصالة 
سارة بقلق وهي عماله تهز رجليها فارس فيه حاجة فارس وصلو علي الفون مسدج خلتو متضايق
مليكه وهي ماسكة الريموت بتقلب هيكون مسدج إيه مثلا أو من مين 
سارة بحزن يمكن من ميرا قالتلو حاجة مثلا 
مليكة بصتلها بسخريه وقالت لا يا شيخة أخويا مش من السهل إنو يتضايق علي فراق واحده هاا
قامت سارة وقفت وقالت طب يلا مش هننام 
قفلت مليكة التلفزيون وقالت وهي بتقوم أه يلا علشان نقوم فايقين..
دخلو الأوضة وكل واحده نامت علي سرير وسارة فضلت تفكر في إيه اللي ممكن يغير مود فارس لحد ما نامت..
صباح تاني يوم 
صحيت سارة من النوم علي صوت المنبه قامت إتعدلت بصت علي مليكة لاقتها نايمه فصلت المنبه وقامت طلعت هدوم ليها من الدولاب وطلعت من الأوضة دخلت الحمام أخدت شاور وطلعت راحت المطبخ عملت فطار..
طلعت مليكة من الأوضة وهي بتفرك عينيها من أثر النوم ودخلت المطبخ وقالت بصوت ناعس صباح الخير يا سرسور
سارة بإبتسامة صباح النور يا قلب سرسور إدخلي خديلك شاور كدة علي ما أخلص الفطار
هزت مليكة راسها وقالت تمام يا معلم
دخلت مليكة أخدت شاور وطلعت
قالت سارة مليكة خشي صحي أخوكي
مليكة بتهريب أوف أنا نسيت موبايلي جوا لازم أعمل مكالمة ضروري روحي إنتي صحيه علشان هتأخر في الأوضة
دبدبت سارة رجليها في الأرض وقالت الله يسامحك يا مليكة الزفت
دخلت وهي بتقدم رجل وبتأخر رجل لأوضة فارس بس قبل ما تفتح الباب سمعتو بيعيط وعمال يكرر جملة الحمدلله ..الحمدلله علي كل حال
خبطت وقالت فارس
مسمعتش صوت بعد كدة ودقيقه وفتح الباب وقال بإبتسامة عيونه
قالت بجمود الفطار
وسابتو ومشيت إتنهد وطلع وراها وقعد علي السفرة وهي حطت الأكل علي السفرة وندهت مليكة وجات علشان تدخل مسك إيديها وقال سارة إنتي مش هتاكلي
قبل ما سارة ترد سحبت مليكة إيد سارة وقالت أكيد طبعا البيست فريند بتاعتي هتاكل معانا طبعا
قعدت علي السفرة وكانت لسه هتاكل إفتكرت أول مرة لما قالها مش بحب حد ياكل معايا عينيها دمعت وبصت قدامها بشرود لاحظ فارس شرودها وعرف هي متضايقة من إيه وكان قاعد پيلعن نفسو علي كل اللي عملو معاها..
قام فارس بعد ما خلص أكل وقال هنزل أنا أروح مشوار كدة وهاجي علي طول أو إحتمال أتأخر
قالت سارة بتلقائية مش هتشرب قهوتك وبعدين رايح فين 
إبتسم وقال هشربها في الطريق وهتعرفي مع الوقت أنا رايح فين
لعنت نفسها إنها سألتو وقالت في نفسها يارتني ما سألت هيفتكر إن مهتمة
إتنهد بحزن وهو بيفتكر المشوار اللي رايحله وقال عن إذنكم
سابهم وطلع من البيت قامت مليكة وسارة ولمو السفرة وخلصو الشقة وقالت مليكة تحبي نجهز من دلوقتي 
سارة بتساؤل إحنا هنروحلها الكوافير 
مليكة رفعت إكتافها وقالت حقيقي مش عارفة..
سارة ببرود خلاص فكك هنروح علي القاعه كدة كدة.. لسه بدري أويي خلينا نقوم نعمل غدا
مليكة بكسل لأ إصبري شوية كدة ونعمل مش دلوقتي يعني علشان مش قادرة
ضحكت سارة وقالت تمام يا كسولة
مليكة بحماس ما تيجي نرقص
سارة پصدمة نعم !! نرقص
هزت مليكه راسها وبدأت ترقص وهي بتقول نرقص كدة
ضحكت سارة وقالت ألاه ما إنتي مكنتيش قادرة من شوية
مليكة بمرح دا الرقص يبنتي حد يقول للرقص لأ
سارة هزت راسها وقالت بضحك لأ طبعا يابنتي حد يقول للرقص لأ فعلا!
قامت مليكة ووصلت الفون لشاشة التلفزيون وشغلت أغاني وراحت شدت سارة وبدأو يرقصو في جو من الضحك والسعادة
في شقة ميرا 
ميرا بعصبية دا إمبارح قفل في وشي والنهاردة مكلمنيش دا مش من عوايده يعمل كدة!
نرمين ببرود وهي بتبرد ضوافرها والله أنا قولتلك فكك منو من بدري قولتي مش هسكت إلا لما أفرق ما بينه وبينها وفرقتي بينهم إيه اللي حصل في الأخر فضل معاكي سنه وبعدها إتجوزها ماذا بعد بقا 
ميرا پحقد لسه مكانش هدفي إن أفرقهم من بعض أكتر من هدفي التاني فرقتهم عن بعض علشان أقدر أخد مساحة كبيره في حياتو ..
نرمين بلا مبالاة وإيه الهدف التاني 
ميرا بشرود مسيرك تعرفي
في مكان فارس 
فارس بقلق ها يا معتز طمني..
معتز بحزن أسف بس طلع شكنا في محله
فارس پصدمة يعني أن..
قاطعه معتز وهو بيقول للأسف يا فارس أنا أسف بس لازم نلحق
فارس بحزن لأ ملوش لزوم نلحق كدة كدة عادي مش فارقة
مسكو معتز من ياقة قميصه وقال بعصبية ياخي فوق بقا إيه اللي مش فارقة مينفعش تسكت مينفعش يا فارس
فارس إبتسمله بحزن وبعد إيد معتز بهدوء وقام وقف وقال أنا هروح علشان رايح مع مراتي فرح صاحبتها بليل
معتز بصوت عالي علشان يسمعو فارس قال بتحذير فاارس فكر في كلامي يا فارس علشان نلحق متسكتش يا فارس
شاورله فارس وهو مديله ضهره وطلع من المكان وهو مش قادر يستوعب اللي بقي فيه ما بين أيام وليالي بس!
ركب العربيه وسايق وهو مش مصدق وقف العربيه فاجأه لما كان هيخبط شخص..
نزل من العربية وهو بيقول بتأسف أسف أسف جدا مخدتش يالي
الشخص پصدمة وسعادة إيه داا فاارس إبن عبدالله
فارس بإبتسامة واسعه وصدمة نيرة بنت رضوان!!
إيه الهدف التاني اللي مخلي ميرا مقربه من فارس علشانه 
إيه اللي حصل لفارس خلاه متغير 360 كدة 
ومين نيرة اللي ظهرت جديد وهل ليها علاقة بكل الحوارات دي وتعمدت تظهر قدامه فعلا ولا صدفة 
يتبع..
البارت الثامن
بارت 9 سارهتفاعل قمر زيكم بقي ياجماعه عايزين نخلصها 
فارس بإبتسامة واسعة و صدمة نيرة بنت رضوان!
نيرة وهي بتسلم عليه بإبتسامة