رواية ميراث نور الجزء الرابع بقلم لينا بسيوني

مش مهتم وبياكل رز بلبن 
دى مش طاقة دى كتيبة من الشياطين وتقريبا معاهم عدد كبير من عفاريت الجن و هيهجموا علينا كمان شوية الرز بلبن تحفة ياخالة سندس !!
قولناله كلنا فى صوت واحد 
نعم !!
قالنا 
أها والله 
وقفنا كلنا وأتلفتنا يمين وشمال 
جريت دخلت سندس ونورا جوا الكهف 
حنوش حضر قوسه وبدا يبص فى السما 
أبن القاف
ونصير طلعوا سيوفهم وأستعدوا للاشتباك وانا حضرت نفسى علشان أتحول لتنين 
مارو كان قاعد مقامش من مكانه وبيكمل أكل فى الرز بلبن !!!
يتبع 
رواية ميراث نور
رواية ميراث نور الجزء الرابع
الحلقة التانيه بعنوان الأمنية الثالثة 
وقفنا كلنا وأتلفتنا يمين وشمال جريت دخلت سندس ونورا جوا الكهف 
حنوش حضر قوسه وبدا يبص فى السما 
أبن القاف ونصير طلعوا سيوفهم وأستعدوا للاشتباك وانا حضرت نفسى علشان أتحول لتنين 
مارو كان قاعد مقامش من مكانه وبيكمل أكل فى الرز بلبن !!!
قريت تعزيمة عين الجن وبصيت فى السما 
شوفت الشياطين بتقرب علينا 
فى الصفوف الاولى متقدم عفاريت الجن واللى كانوا متجسدين على هيئة شبه بنى أدمين طوال القامة مفتولى العضلات وليهم قرون طويلة وملتوية زى الخرفان ماسكين فى أيدهم سيوف أشكالها مختلفة ورماح طويلة مدببة !!
فجأة الدنيا ضلمت وبقت زى الكحل !!
سمعت حنوش بيقول وهو متوتر 
عفاريت الجن !!! هيعملوا زى ماعملوا عند القلعة !! هيدكوا الكهف باللى فيه !!
لفيت لفة كاملة بالقميص وأتحولت لتنين بسرعة وهيأت نفسى للهجوم 
سمعت مارو بيقول 
الله !!!! أول مرة أشوف تنين بحق وحقيقى !!!
حنوش قال لمارو 
هو أنت شايف فى الضلمة دى !!
سمعنا صوت معلقة مارو وهى بتحك فى طبق الزر بلبن وبتجمع أخر حبة رز بلبن فى الطبق !!
بعدها مارو قال بهدوء 
ضلمة !! ضلمة أيه!! ما الدنيا منوره وزى الفل اهيه !!
فحنوش قاله وهو متعصب 
ماتقوم يابغل تحارب معانا !! أنت بارد يلاه 
مارو ماردش عليه !!
حنوش قالى وهو متوتر 
أنفث الڼار بسرعة يانينو مش شايفين حاجة نور الضلم 
حنوش قطع كلامه لما سمعنا صوت صرخات جايه من ناحية كتيبة الشياطين !!!
نفثت الڼار بسرعة عشان انور ڼار التنين نورت جزء من الظلام 
أتفاجئنا لما شوفنا مارو فى أيده سيف وواقف وسط الشياطين وعفاريت الجن واللى مالحقوش يتفاجئوا بوجوده وسطهم 
هجموا عليه بس اختفى من وسطهم و اتفاجئوه بيه بيتحرك ما بينهم بسرعة البرق 
عفاريت الجن كانوا بيتلفتوا يمين وشمال وهما بيدوروا عليه 
ظهر وسطهم فهجموا عليه بسيوفهم بس مالحقوش يشوفوه وهو بيقاتلهم بسرعة البرق !!
أبن القاف ونصير نزلوا سيوفهم وهما بيبصوا على اللى بيحصل بأندهاش 
حنوش كان فاتح بوقه وهو موجه القوس ناحية السما 
الصدمة خليته مايطلقش سهم واحد!!! فضل واقف متنح ومذهول من مارو اللى طايح فى الكتيبة لوحده 
نفسى أتقطع من كتر نفث النيران فى الهوا خدت نفسى شويه فلاقيت حنوش بينغزنى وهو بيقول 
أنفخ تانى بسرعه !!!
نفخت تانى الڼار 
محدش من الكتيبة كان قادر يوقفه أو حتى يشوفوه علشان يقاتله عفاريت الجن كانوا مصډومين من قوته الجباره ومن سرعته الرهيبة فى القتال !!
باقى الشياطين بصوا عليه وهو مرعوبين لما لقوه بيهزم عفاريت الجن بسهولة زى الخيار !!
رموا أسلحتهم وجريوا بعيد وحصلهم اتنين أتبقوا من عفاريت الجن جريوا لحد مابعدوا خالص ومابقناش شايفينهم 
مارو رفع قوسه وشد وتره وهو فاضى وفى أقل من ثانية مد أيده فى جعبته اللى فيها الاسهم وفضل يطلق منها الاسهم بسرعة رهيبة لحد ماتبقى سهم واحد سحبه و شده على وتر قوسه وهو بيقول بصوت عالى 
اللى فاتت أسهم مۏت و اللى جاى للرهينة !!!
أطلق السهم وأنطلق وهو بيجرى جنب السهم وبعدها أختفى !!
بعد شوية ظهر مارو فى السما وهو مجرجر عفريت من الجن متصاب بسهم أخترق كتفه ونفد من الناحية التانية 
جرجره ورماه على الأرض قدام الكهف فالعفريت مسك كتفه وهو بيتأوه 
بصينا لمارو فقالنا وهو مبتسم زى الاطفال 
فى العادى مابسيبش حد حى بس قولت أسيب واحد نتسلى عليه 
فالعفريت صړخ صرخه ألم خلت نصير يبلع ريقه وحنوش يرجع لورا خطوة !!
مارو فضل حاطط رجله فوق كتف العفريت وبيفعص الچرح برجله نادى على سندس وقالها 
ياخالة سندس !!!!
سندس طلعت رأسها من باب الكهف وقالتله 
نعم يامارو !!
قالها 
في رز بلبن تانى !!
حنوش قال 
بغل !!
نصير قالى فى ودنى 
شوفت الواد عمل أيه !!
هزيتله رأسى وانا فرحان ومتنح 
فقالى 
وده هتعامل معاه ازاى لما
ټموت !! ده بعد عمر طويل يعنى 
أبن القاف قال 
لازم نستعد للحرب !! عدوتنا مش هتصبر علينا لما تلاقى الكتيبة بتاعتها مارجعتش 
نصير قال لابن القاف 
احنا متفضلش معانا من الجيش كله الا 100 واحد ومارو البغل لامؤاخذه يامارو 
مارو هز رأسه بتفهم وداس على رجل العفريت وقاله 
اللى مشغلاك قاعدة فين !!
فعفريت الجن مردش عليه وفضل يتأوه بصوت عالى 
مارو قاله 
مش هتتكلم يعنى براحتك !!
مارو قال لحنوش 
تعالا هنا أمسكه على ما أجى 
حنوش قاله فى طاعة 
حاضر يابن الغالى !!!!
حنوش حط رجله مكان رجل مارو وثبت العفريت 
مارو أختفى ورجع تانى بسرعة ومعاه جنزير حديد وشنطة كبيره وقال لحنوش 
عنك أنت !!
وخد العفريت من تحت رجل حنوش 
وفرد الجنزير وقال للعفريت 
ده جنزير متعزم عليه كل ماهتحاول تفك نفسك أو تفلت منه هيحرق جتتك فأهدى كده وماتموتش منى بسرعه !!!
العفريت بصله وهو مړعوپ فمارو بص له وهو مبتسم وفجأه قلب ملامحه وشه و بدأ يلف الجنزير حوالين العفريت 
العفريت حاول يقاوم ويفك الجنزير 
حديد الجنزير بدأ يسخن لحد ما لونه بقى أحمر من شدة الحرارة 
العفريت كان پيصرخ وبيقوله 
أنت عارف أنا أبقى أبن مين !!
مارو قاله 
هو في أيه ياولاد الك !! هو انا كل ما أقفش واحد منكم يقولى أنت متعرفش انا أبقى أبن مين أبن مين يعنى فى عالم الجن علشان تيجى منطقتنا وعايز تعلم علينا !!! ولو كنت أبن ملك الجان نفسه انت بالنسبة ليا عفريت بتحارب مع الشياطين يعنى حلال 
مارو ادى ضهره للعفريت المتكتف وراح ناحية شنطته ومد أيده فيها وفضل يدور على حاجه جوه الشنطة وقال 
أهوه لاقيتها !!!
وطلع من الشنطة برطمان أزاز فيه حشرة صغيره شبه الخنفسه !!!
الحشرة كانت مهيبره جدا وعايزه تخرج بره البرطمان !!
قرب على العفريت وهو ماسك البرطمان وقاله 
المصريين القدماء قدسوا الجعران عارف ليه !! علشان الجعران له طاقه كونية قوية جدا 
الحشرة دى بتجدد نفسها بنفسها بتختفى تحت الرمل وبترجع تانى كأنها أتخلقت من أول وجديد علشان كده كانت شئ أساسى فى الډفن عند الفراعنه 
كان بيحطوها فوق صدر المېت ناحية القلب كده انا بحب الجعران أوى زى القدماء المصريين وبالذات الجعارين اللى بعزم عليها
اللى هتحس بيه مايتحملوش أى كائن على وجه الارض معاك 3 ليالى 
مارو فتح البرطمان ومد أيده فالحشرة كانت هتعضه فقال للعفريت وهو مبتسم 
شوفت شرسة !! 
فمارو قالنا 
كده يبقى أشتغلت !!
قرب على العفريت اللى مربوط بالجنزير وبص فى عينه وقاله 
أتحداك تصمد ساعه واحده 
فمارو اداله ضهره وقرب علينا بص علينا واحنا مذهولين جن وانس من اللى شوفناه قطع ذهولنا وقال بأبتسامة طفل 
ساعة واحده وبعون الله هنعرف مكان عدوتنا وساعتها احنا اللى هنسبق ونهجم عليها قبل ماتهجم علينا 
أبن القاف قال 
أحنا عددنا قليل جدا بالنسبة لعدد الشياطين اللى عندها هنهجم عليها بأيه !!
مارو قاله 
بس هيبقى معانا عنصر المفاجأه !!
قطعت كلامهم و قلت لنصير 
أجمع