روايه اللطيم بقلم هنا سلامه

اخته فقالت بحزن يا الله عليك يا حسام تاعبني و حارق قلبي دايما عليك كدة 
دخل أحمد و و قال حبيبي مش قولتلك أن العصبية و انت حامل غلط في ايه 
رحمة بحزن حسام يا حبيبي دماغه ناشفه و عندي يا ريته بيفكر في نفسة حتى يا احمد ده بيرمي نفسه في التهلكة 
أحمد بحب متزعليش نفسك يا روحي أن شاء الله ربنا يحفظه
رحمه صحيح فية حاجة مهمة 
أحمد خير 
رحمه بتوتر بابي يا حبيبي عازمنا على الغداء بكره 
أحمد بعصبيه انت عارفة ان مفيش عمار بيني و بينه و پنتخانق بدون سبب فتجمعينا ببعض على سفره واحده يا رحمه 
رحمه بهدوء و النبي يا احمد و النبي .. عشان خاطري و عشان ميزعلش 
اتنهد بضيق و قال ماشي يا ستي لما نشوف اخرتها
في بيت ليل
ليل دخل و دخلت سيلين و قال بصوت عالي تيته يا تيته يا تيتاااااااااااا
سيلين شكلها مش هنا
ليل بقلق هتكون فين 
سيلين ممكن عند اختك هالة
ليل لحقتي تتعرفي على هالة 
سيلين بحزن اها المره إلى فاتت كانت موجودة و انا هنا يا ابيه 
قعد ليل و قال متخفيش انا مش قليل الادب و لا .. 
قاطعته و قالت بابتسامه عارفة يا ابيه و واثقه فيك عامر الله يرحمه دايما يتكلم عنك و عن أدبك و أخلاقك .. اقصد كان .. كان بيتكلم 
انفطرت في العياط تاني و ليل بدأ يهديها طيب اهدي يا سيلين اهدي 
سيلين بعياط سابني ليه يا ابيه أواجه عاصم و خالتو لوحدي ازاي !!
قال بسخرية عشان يطلعها من حزنها الواد بتاعك فين 
عقدت حواجبها و قالت مش فهماك 
ليل بغيره الواد إلى انت مسمياه ارنوبي على فونك لأنك كلبوبه اكيد و بيقولك انك ام احمد و احمد ده ابنكم المستقبلي و لما يحب يثبتك يقول بعربجيه يا بت انت مراتي و يقولك صباح الفل يا ام عيالي 
و لما يبقى جامد بقى يعزمك على كشړي في كيس
ميعرفش انه لو هوب منك تاني انا الي هخليه في كيس و الله 
ابتسمت على غيرته و قالت ابيه هو انت زعلان مني 
ليل بحزن لا.. زعلان عشان عامر .. الله يرحمه انت بقى علاقتك بزفت عاصم ايه 
اتنهدت تنهيده طويله و قالت عاصم أبن خالتي معرفش ليه قلبت عليا كدة يا ابيه بس انا مبحبوش
خالص و هو أكبر مني ب ١٠ سنين بحالهم و بعدين مفيهوش اي شيء يتحب 
ليل في نفسه شوفت يا غبي هي شايفه ان ١٠ سنين كتير ازاي ! انت كان عقلك فين و انت بتتخيل انها تبقى مراتك ! انت متخلف اقسم بالله انك متخلف ! أول مره تتصرف بغباء كده 
سيلين ابيه.. يا ابيه... روحت فين 
ليل فاق من تأنيب و جلد ذاته و قال لا مفيش بس بفكر مش اكتر احميكي من جوز امك و من الزفت عاصم ازاي مفيش غير حل واحد 
سيلين بتوتر ايه هو 
ليل ببرود نتجوز و تبقي حرم ليل فاروق اللطيم 
سيلين حاست أن الدنيا بتلف بيها النظر اتشوش و وقعت مغم عليها !! 
ليل پصدمه سيلين !!!!!!!
يتبع ..
بدأ ليل يفوق سيلين و هو ھيموت من الخۏف عليها فاقت أخيرا و هي بتهمس ابيه تعبانه أوي عاوزه انام يا ابيه
ابتسم و قال حاضر بس اغم عليكي ليه طيب 
اڼفجرت في العياط و هي بتتشحتف و بتقول عاوزه انام.. حقيقي عاوزه انام
شالها و حطها على السرير في أوضه هالة و قال بحب تصبحي على خير ..
و قال ناديني لو عوزتي اي حاجه
طلع بره و هي اتعدلت و سندت ضهرها على السرير و قالت و هي بتاخد نفسها بصعوبة و قالت بعياط انا بحبه بحبه اوي حبيته من يومين بس البنت الي بتحبه و هو بيحبها ذنبهم ايه بس ذنبه ايه يتجوز واحدة غير الي بيحبها عشان يحميني ! قلبه رخيص عليه للدرجه ! انا مشوفتش في قلبه مشوفتش في روحه و خفتها مشوفتش في لطفه عليا انسان بمعنى الكلمه 
بعدين عيطت بقهره و قالت هبقى خطافه رجاله على آخر الزمن هيء هيء ..
عند ليل كان قاعد في اوضته بيعيط بقهره على صاحب عمره كأنه كان كاتم دموعه و ضعفه قدامها كل الفترة دي عشان ميضعفهاش اكتر الدنيا متعقده عندها من ناحيته و ناحية خالتها و ابن خالتها و مۏت اخوها و كمان الولد الي بتحبه أو الحجة إلى اخترعتها عشان تبعد عنه
فجأه الباب خبط فتح و كان حسام بيعيط هو كمان ا و هما بيهمسوا في نفس الوقت التلاته ماتوا !!
عياطهم زاد و محدش عارف يهون على التاني بأي شيء لكن فجأه سيلين خرجت و قالت ابيه ..
الټفت ليها و هو بيمسح دموعه بسرعه فقال حسام پصدمه سيلين !!
ليل باستغراب انت تعرفها 
حسام بلجلجه شوفتها.. شوفتها مع عامر كذا مره
سيلين عقدت حواجبها و قالت انا عمري ما شوفتك ..
ليل بعصبيه سيلين احنا التلاته نفسيتنا تعبانه دلوقتي مش وقت كلام من ده انت عاوزه ايه دلوقتي 
عيونها دمعت من عصبيته و قالت بصوت مهزوز م.. مفيش 
دخلت الاوضه بسرعه و هو قال بعصبيه غبااااااي انا غباااااي !! 
حسام قوم صالحها إلى انت حكيته عنها بيقول قد ايه هي مچروحه دلوقتي مفيش حد جمبها و لا معاها يا ليل 
ليل بحب لا انا جمبها و معاها و مش هسمح أن حد ياذيها هحتفظ بحبي ليها على جنب عشان قلبها مع حد تاني و هحميها متأكد اني هعرف احميها من أي حد 
ابتسم حسام و قال طيب ادخل صالحها
في أوضه سيلين
كانت نايمه و دموعها على خدها قعد على الكرسي و همس سيلين 
نوم سيلين خفيف جدا قالت بنعاس نعم يا ابيه 
ليل بحب انا اسف ليكي يا سي.. 
قاطعته و قالت ليل انت في حد في حياتك 
ليل عقد حواجبه و قال لا ليه 
سيلين بعصبيه انا غلطانه اني وثقت فيك كلكم مصطفى أبو حجر 
ليل پصدمه مصطفى مين و غلطتي في ايه !! انت هتجننيني ! 
سيلين بعصبيه ليل انت خاېن ليا و ليها 
ليل بعصبيه خاېن !! و ليكي و لمين !! كلمه خاېن دي كبيره اوي يا سيلين 
سيلين بعصبيه و عياط بتحب جارتك و وعدها بالجواز و هي بتحبك يا ليل و تيجي تكدب عليا دلوقتي و تقول مفيش حد في حياتك و عاوز تتجوزني طب هي ! قلبها ! قلبك انت ! بټعذب نفسك و بتعذبها مستحيل اتجوز واحد قلبه مع واحده تانيه 
ليل بسبب خبره شغله شك في سها جارته أن هي دي البنت الي قالتلها كده فقال ببرود أنهى جاره اصل سكان البيت كله بيكرشوا على العبد لله 
سيلين بعصبيه الزفته سها 
ليل ببرود امممم و انت مش پتخوني إلى انت مرتبطة بيه بوجودك في بيتي و ان انا هتجوزك 
سيلين بعصبيه مفيش حد في حياتي يا ليل مفيش أبدا لما سها قالتلي انكم بتحبوا بعض و انا كنت بزورك و انت نايم اټجننت و قولت ابعد عنك بشياكه قبل ما اح ..! 
حطت ايدها على بوقها عشان متكملش الجمله فشال ايديها و قال ببرود قبل ما ايه 
سيلين بتوتر قبل.. قبل.. ملكش
فيه ! أنا مش هقبل اني اتجوزك و لا أعيش معاك و انت قلبك مع واحده تانيه و كمان بتكدب عليا عديني بقى لو سمحت 
ابتسم و قال يعني انت مش مرتبطه 
سيلين بعصبيه اه انت مالك دلوقتي بيا 
ليل بحب مليش دعوه غير بيكي نامي عشان تروحي بكره جمعتك 
سيلين بعصبيه لا انا هروح لعاصم و خالتو 
فتحلها باب الاوضه و مد ايده على بره و قال اتفضلي روحي لها 
فركت ايديها بتوتر في بعض و قالت بتوتر تمام انا ماشيه و مش عاوزه اشوفك اصلا أبدا !! 
خرجت من الاوضه و التفتت و بصتله پغضب و دموع مكتومه و حسام واقف مستغرب هو قاله يصالحها مش يطردها !! 
رزعت الباب و طلع ليل و قال ببرود روح يا حسام لمراتك و ابنك 
حسام پصدمه ايه البرود ده !! دي امانه يا ليل ! ازاي تنزلها دلوقتي في الوقت ده 
ليل ببرود روح قولت اتحداك انك هتنزل تلاقيها قاعده قدام عمارتي مستنيه انزلها مش هتروح لأن خۏفها تجاههم كبير لازم اثبتلها اني السند الوحيد الي عندها 
حسام انت متأكد كده ليه تعرف فولان اه عشرته لا يبقى متعرفوش ! 
ليل لا يا اخويا ده مثل لعامة الشعب مش لليل الداخليه إلى يفهمها و هي طايره 
حسام بنفاذ صبر انت دماغك ناشفه عمتا انا هروح لهاله بس مش هصالحها 
ليل تتفلقوا بقى انتم الاتنين انا بفكر اقطع علاقتي بيكم 
حسام كل مره بتقول كده و اول ما پنتخانق بتبقى انت اول واحد بيصالحنا على بعض يلا سلام 
نزل حسام و قعد ليل مستني سيلين تطلع في النهاية نزلها و خاف تكون مشت فعلا 
نزل لقاها قاعده تحت شجرة و ماسكه ورده و بتقطع ورقها و بتقول ببراءة بيحبني مش بيحبني بيحبني مش بيحبني ! ايه دة ! الورق بتاع الورده خلص على مش بيحبني !! 
ليل قرب و قعد جمبها و قال لا بيحبك بيحبك اوي و بېخاف عليكي 
مكنتش مستوعبه انه نزل رغم أنها زعقت و قلت ادبها فقالت پصدمه اب.. ابيه !! 
ليل بحب تؤ تؤ ليل انا اسمي ليل من هنا و رايح تقوليلي يا ليلي لاني بتاعك انت و بس 
مكنتش مستوعبه كانت مبتسمه ببلاهه بعدين قالت بتكشيره و سها ! 
ليل بضحك دي بت معجبه بيا شافتك نازله من عندنا و شافتك جميلة و قموره و ممكن يكون فيه حاجه بينك و بيني فمثلت عليكي التمثيلية القذره دي اني بحبها و هي بتحبني و هنتجوز و انت طبعا لو فضلتي معايا هتبقى خطافه رجاله و الحربايه في قصة أحدهم .. صح 
كانت مبلمه و قالت صح .. بس انا تايهه دلوقتي و مش عارفة ايه الي هيحصل 
ليل بتحبيني 
سيلين بحب اوي 
ليل پصدمه متوقعتش ! انت مش بتحبي عاصم عشان أكبر منك ب ١٠ سنين زيي ايه الي فرق 
سيلين بحب هو الحب بالسن يا ليل الداخلية و لا ايه و بعدين بتقارن نفسك ب عاصم كفوله 
ليل بضحك كفوله !! اشمعنا اسمه كده 
سيلين بضحك عشان و هو صغير كانت خالتو مبتجبلوش بامبرز و بتلبسه كفوله استخسار بعيد عنك 
فضلوا يضحكوا و يتكلموا على الرصيف لحد ما جدته جت و