روايه كبرياء أنثى بقلم مرام

جبيره واختي الصغيره طالبه كليه واخويه الجبير حامد مزوج وعنده جهال اثنين بس كل واحد من عدنه من يزوج ايسوي سويت كامل غرفه وهول وصحيات بس نبقه بالبيت الجبير كاعدين احلى شي اللمه والعائلة..
اختي ساره اتداوم بالمحكمة ويوم كالتلي ساره تعال اليوم ريتا سوتنه عزيمه ورحت للعزيمه وانبهرت بجمالهه ورقته ونزاكتهه وراسن حاجيت ساره عليهه لياخذهه احد وردت اعرف خاف مخطوبه لو شي..

محمد ساره اريد هاي صديقتج شنو مخطوبه لا
ساره لا مخطوبه شنو ولك شتريد منهه
محمد لج شريد منهه غير اخطبهه
ساره محمد اكيد مو تلعب عل بنيه تره مو مال هيج هيه
محمد انجبي لج اني مال هيج سوالف
ساره خوش باجر اشوفهه شتكول
وره اسبوع اجو أهله ايشوفني أخذت اجازه من المحكمه وحرت ش البس وبوكتهه رجعت بسمه من تركيا وساعدتني ب لبسي
وسوتلي شعري لبست بنطرون جينز وقميص اصفر فاتح واني ضعيفه كلش ايلوكلي..
اهله كلش حبوني أمه واخته الجبيره مزوجه وساره واخته الثانيه وكلش حبيتهه اصغر مني بشويه وكلش محبوبه ولطيفه..
منتضرين خبر من عدنه وثاني يوم خوالي وافقو وكعدو وي الولد واتفاهمو وياه وردينالهم خبر عل موافقه وداومت وساره خطيه كلش فرحت مامصدكه..
وره اسبوع صارت المشيه مال الزلم وجنت خاېفه ليصير شي وكامشه كلبي الحمد لله عدت على خير وكلشي تمام..
وره فتره عقدنه علمود يكدر ايطب ويطلع علينه وشرطت أضل بدوامي وفتره الخطوبه اهواي علمود اتعرف علي شويه شويه..
ولبست فستان ابيض نفش وحذاء ذهبي وصديقاتي اجو وكرايينه وأهله وبسمه وامي سوده عليه كلش فرحانه بيه وجو ماصدك كمنه نركص اني وياه وكلش تونسنه
ومن اول يوم اتصل بيه وكلش ارتكبت مااعرف ش احجي هههه
محمد الو
اني الو
محمد شونج اخبارج
اني الحمد لله
محمد تعبانه مو
اني اي من الصبح كاعده
محمد سلامتج هسه تنامين وترتاحين
اني اي
محمد شوكت نطلع نشتري الذهب
اني ها ماادري
محمد لا كليلي شوكت اتريدين
اني براحتك اي يوم
محمد يعجبج اهلي واهلج ايطلعون لو اني وياج
اني لا احنه راح نزوج احنه نجهز عل ذوقنه لو شتكول
محمد بكيفج إلى اتريدي اسوي الج لتخافين من شي إلي ماعاجبج كوليلي
اني ماشي باجر نتفق
محمد خوش تصبحين عل خير
اني وانت من اهل الخير
محمد محتاجه شي
اني سلامتك
محمد تدرين مامصدك صرتي الي اول ماشفتج انبهرت ب اخلاقج ونزاكتج
اني ههه من ذوقك
محمد يله عيني اخليج تنامين بباي
اني بأي
ومرت الايام واشتريت الذهب والتجهيزات وكل يوم يجيني ايطلعني ويونسني ويحسسني ب الأمان والراحه وايكلي دائما اني سند ظهرج لتخافين مني بيوم من الايام الله ايقدرني واسعدج كلش احس براحه وياه...
ومرت ايام خطوبتي كلش ونسه وراحه وكل يوم ارجع من الدوام وفكري ش البس من يجيني وبيوم صار عيد ميلاده سويته بالبيت وسويت حلويات وكيك وزينه واحتفلنه وكلش ايام راحه وسعاده مااريدهه تخلص..
للحكاية بقايا!
كبرياء أنثى
منقوله
مرام
البارت التاسع والأخير
قرب موعد زواجي ويوميه يجي عليه حمودي ايطلعني انكمل التجهيزات كلش اتعلقت بي وحسيته قريب مني والله عوضني بي..
وقبل زواجي بيومين نضفت البيت وعدلت الغراض علمود امي سوده عليه متتعب ويضل نظيف و صيت اختي نور تساعد امي ومتعيفهه شكد مافرحانه بزواجي شكد ما قلقه عل امي وشون افاركهه..
ورحت أجرت بدلات كلهن قصيرات ذهبي وردي وبنفسجي والبيضه مال عرس مجسمه وبسمه جابتلي هواي فساتين وملابس من تركيا وصار زواجي ب القاعه سويته واجو صديقاتي والكرايب وأهله وكلش تونسنه وبعدين لبست البدله البيضه ورجعت للبيت يزفوني من بيتنه.. طبعا التسريحه مرفوعه نازكه ومكياج نازك مرتب كلش حلو بوكتهه والكل اتعجبو بي..
واجه محمد للبيت