روايه حكاوي فيروزه بقلم فيروز عادل

احنا أوامر ماشية على الارض.
انتبه ليا قام وجه ناحيتي شكله وهو مش طايق نفسه كان مموتني ضحك بجد.
خد مني الصينية انتي بتضحكي ليه
ضحكت اكتر انت الي مش طايق نفسك ليه
ادخلي اوضتك يعسل دلوقتي.
هدخل بس قولي... ده عريس ده
اتنهد بعصبية مش بقول ادخلي اوضتك.
طب هو برا معاهم اشوفه بس من بعيد يمروان عسول طيب
حط الصينية الي في ايده على الترابيزة جمبه بزهق لدرجة ان في فنجان اتشقلب يحبيبي
بلعت ريقي بقلق سيكا  ده ولا ايه والله بهزر يكابتن ايه مبتهزرش يصلاح!
بص ليا بعصبية وهو بيتكلم بنبرة مرعبة انتي عارفة اني مبحبش الشغل ده ف اضبطي بجد يا وعد عشان هتبقي سبب اني اخرج اطردهم واحرج جدك معاهم ولما يغوروا في داهية لينا كلام تاني. 
سابني ومشي طب والقهوة يكابتن 
فضلت واقفة مكاني اسمعهم لحد ما قاموا مشيوا على اساس ان لسه جدو هياخد رأي العروسة... العروسة الي هي انا!
مشي معاهم مروان عشان يوصلهم للباب وانا روحت قعدت جمب تيتة جري. 
همست جمب ودنها ابن ابنك  يجميلة.
ضحكت وهي بتهمسلي هي كمان احسن خليه ينطق. 
بصتلها بقلق والله يتيتة انا قلقانة من افكارك دي. 
سكتنا لما لقيناه جاي وعفاريت الدنيا بتتنطط في وشه بص لجدي واتكلم هو ايه ده بقا 
جدو اتكلم اقعد بس وهدي نفسك ليطقلك عرق كده. 
قعد جمبه واتكلم بهدوء انت وافقت انهم يجوا من الاول ليه يجدي 
تيتة اتكلمت شب كويس وزي القمر ناجح ومحترم واهله ناس كويسة ميتعايبوش ليه لا 
بصتلها زي القمر يخسارة معرفتش اشوفه. 
لقيتها بتهمس جمب ودني امم ده انا بقول نقوم نحضر العشا عشان مش هعرف احوش عنك. 
اه يتيتة يبنت اللذينة انتي بتبيعيني!
قامت وشدتني وروحنا المطبخ سوا وهو قعد مع جدو كانوا بيتكلموا بس بصوت مش واصل لينا ف كنا ھنموت من الفضول الحقيقة لحد ما كنا خلصنا يعتبر. 
قربت من تيتة وانا ببوسها اخرجي انتي يست الكل كفاية واقفة كده انا هخلص ده وخرجالكوا اهو.
مكنتش عارفة ليه وافقت تيتة لما قالتلي على حوار العريس وانها بتفكر تقول لجده يخليه يجي هو واهله يمكن مروان يعمل حاجة ونخلص مع اني متأكدة من حبه ليا بس ساعات مبفهمش الصراحة!
في وسط كل تفكيري ده سمعت صوته من على باب المطبخ. 
سرحانة في ايه 
بصتله بعد ما فوقت على صوته هاا لالا مفيش. 
بصي هو بعيدا عن الي حصل من شوية ده وبعيدا عن اني مش طايقك وعاوز اديكي في دماغك. 
حبيبي والله. 
قوليلي مالك بقا بقالك كام يوم مش مضبوطة وكنت مستنيكي تحكيلي ومحكتيش حاجة. 
بصيت قدامي بتوتر ورجعت للي كنت بعمله م.. م. مفيش حاجة ما انا كويسة اهو. 
مردش فبصتله لما حسيت ان سكوته طول شوية لقيته باصصلي في ايه يا وعد 
اتنهدت مفيش يمروان انا كويسة. 
هز راسه بعد ما سكوته دام