رواية ميراث نور للكاتبة لينا بسيوني حصري الجزء الثاني
المحتويات
موجودين هزوا رأسهم و موافقين على الفكره بالنسبالى عادى ممكن اتحول للكائنات دى لانى شوفتهم وأقدر أتخيلهم وانا بلف !!
ابن القاف قال
فكره حلوه بس خطړ على نور لانه مثلا لو أتحول لدوده أها هيقدر يقاتل الدوده بس القتال هيبقى متوازن وممكن الدوده هى اللى تقتله ده غير أن الكائن التانى أكيد هيشترك فى القتال ضد نور .
تأملوا خلق الخالق هتلاقوا أن كل الكائنات اللى على الارض عباره عن فريسه ومفترس علشان تكمل دورة الحياه .
أحنا عايزين حيوان يكون أقوى من الاتنين وأعلى منهم فى السلسلة الغذائية.
مثلا الارنب بېخاف بالفطره من الثعلب علشان أعلى منه فى السلسلة الغذائية .
عايزين مفترس بېخاف منه الدود والضفادع !!
قولتله
قصدك ثعبان كبير يعنى !!
قالى
هيبقى خطړ جدا لو أنت على الارض وأكيد شهاب هيتدخل وهتبقى هدف سهل له أحنا محتاجين طائر !! وبرده الفكره نفسها هتبقى خطړ عليك بس طائر فى السما هيكون أفضل من ثعبان على الارض !!
البلشون الجبار !! المالك الحزين !!
قولتله
أيه !!
قالى
البلشون الجبار طائر شبه أبو قردان بالضبط ده طائر قديم على الارض وبيتغذى على الاسماك والضفادع والديدان لما بيفرد أجنحته فى السما بيبان ضخم رجله طويله وعلى رأسه ريشه فعليا منقاره كبير وبيطعن بيه فريسته فى لمح البصر .
بس انا معرفهوش ومشوفتش شكله قبل كده !!
نصير قال
انا عارف شكله وممكن انزل حالا على مكتبة الاسكندريه وأجيبلك صورته من أى كتاب بيتكلم عن الطيور !!
هزيتله رأسى بالموافقه !!
فأختفى .
Lina Basyouni
أبن القاف قال
نأمل من الله أنه يكون الهمنا الفكره دى علشان نخلص من كائنات العزيف والا نور هيبقى صيده سهله جدا لآن الطائر بطئ فى الطيران ومعندوش حراشف تحميه زى التنين !!
ده بالنسبه لمواجهة الكائنات اما بالنسبه لمواجهة جيوش الجن فأحنا أستحاله نكسب بالمواجهه المباشره بعد ماخسرنا 90 فى الميه من الجيش!!!
نزل أبن القاف على الارض وبدأ يرسم على الرمل وهو بيقول
كتير منكم كان عايز يعرف ليه أمرت بحفر الخندق!! النهارده هتعرفوا ليه !!
خلص رسمته وبدأ يشرح وقال
أحنا هنقسم الجيش اللى فاضل معانا 3 أجزاء زى الطائر بالضبط هيكون ليه جناح يمين وجناح شمال وقلب فى النص .
جزء من الجيش هيبقى على اليمين وجزء تانى هيبقى على الشمال والجزئين هيبقوا متسلحين بالاسلحه والدروع اللى فضلت معانا.
اما بقى الجزء اللى فى النص هيبقى أضعف جزء والاقل فى العدد !!
واحد من قادة الجن قاله
أزاى ياقائد هتحارب وقلب الجيش ضعيف كده هيخترقونا !!
Lina Basyouni
قاله
هو ده المطلوب أنهم يخترقونا ويتعمقوا كمان وعلى فكره اللى هيبقوا فى قلب الجيش مش هيبقى معاهم أسلحه أو دروع !!!
جن تانى قاله
بس انت كدا بتضحى بكل اللى بيحاربوا فى النص !!
قاله
ماهى علشان كده أسمها معركة المۏت !!!
بصوا لبعض وهما مش فاهمين حاجه فقالهم وهو مبتسم
أيه خوفتوا !!! ولا أول مره تحاربوا معايا!!! مش واثقين فيا !!
قالوله كلهم فى صوت واحد
لا ياقائد واثقين فيك !!
قالهم
أنا عارف انها هتبقى فكره مجنونه وعلى فكره وارد جدا كلنا ھنموت مش اللى فى النص بس ويلا بينا علشان متأخرين هكملكم شرح الفكره واحنا بنقسم الصفوف .
وبصلى وقال
ريح أنت فى الخيمه على مايجى نصير أملنا كله فى ربنا وفيك يانور !!
ريحت فى الخيمه ونمت وروحت فى النوم من كتر التعب .
صحيت على صوت نصير واللى كان متردد يصحينى وقالى بهدوء
نينو !!! نينو !!! اصحى .
قولتله وانا بحاول أفتح عينى
أيوه يانصه !!
قالى بهدوء
بيرموا علينا حمم و أحجار مولعه !!
أتنفضت من مكانى فكمل كلامه وقال
الجيش بتاعنا محتمى بالجبل الخيمه اللى أحنا فيها فى حته مكشوفه وممكن أى حاجه تقع علين....
مكملش كلامه لاقيت صخره كبيره مولعه بتسقط جمبى بالضبط الخيمه ولعت!!
نصير نقلنى بسرعه وسط الجيش !!
أدانى ورقة من كتاب مرسوم عليها صورة طائر البلشون الجبار وقالى
بسرعه يانينو أحفظ الصوره وتخيلها واتحول !!
بصيت على الصوره وحاولت احفظ شكل الحيوان وأتخيله فى دماغى أكتر من مره قبل ما ألف.
فى الوقت ده كان ابن القاف بيروح وبيجى بالحصان بتاعه وبيتأكد من الصفوف والتنظيم .
حفظت شكل الطائر ولفيت بالقميص وانا بفكر فيه !!
فجأه لاقيت رجلى بتطول ومناخيرى وبوقى بيطلعوا لقدام وبيلزقوا فى بعض وبيتحولوا لمنقار طويل.
دراعاتى أتحولت لاجنحه وجيت ازمجر طلعت صوت عامل زى صوت الغراب !!!
ابن القاف شافنى لما اتحولت أتحمس أكتر وقال بصوت عالى
أن الله
متابعة القراءة
