رواية ميراث نور للكاتبة لينا بسيوني حصري الجزء الثاني
المحتويات
أيه مش من صنف الحريم !!
وبصيت على فردودس وقولتلها
Lina Basyouni
وانتى سايباها تسحبك زى الجاموسه !! انتى مالكيش رأى !!
قالتلى بكسوف
ربنا يكتبهالى ياسيدى وأبقى من حريمك !!!
قولتها
نعم !! من حريمى !! هو في أيه ياسندس !!
قالتلى
مانا عملت أعلان فى القريه انك بتبحث عن زوجه تانيه !!
أنتى هبله يابت !!ولا انتوا كلكم هنا فى البلد هبل !!!
قولت لفردوس
غورى ياشاطره من هنا وقولى للى تقابليه انى مراتى سندس أتهبلت ومحدش ياخدلها على كلام .
فردوس قالتى
يعنى مش هتتجوزنى ياسيدى !!
قولتلها
غورى يابت من هنا والا قسما بالله هقول لابوكى سماحه !!
ماهو أبويا عارف وبيقولك أنه بيشترى راجل واخر حاجة بيفكر فيها الفلوس وهو اللى بعتنى مع سندس .
قولتلها
غورى يابت من هنا بدل ما العنك انت وابوكى !! قال أيه .. أخر حاجه بيفكر فيها الفلوس .. دا ابوكى ضلالى بيبع أكل الكلاب على انه بلوبيف!!
البت فردوس معبرتنيش وكانت بتبص على سندس اللى بتغمزلها تستنى.
غورى !!!
خدت نفسها وجريت من الكهف .
قولت لسندس
عيب ياسندس اللى عملتيه ده !! أنا كده هبدأ أزعل منك أوى .
قالتلى
لا والنبى ياسيدى ماتزعل انا عايز أرضيك ومينفعش ياسيدى تعيش من غير خلفه أنا كده أبقى طماعه أوى اتجوزتك ووقفت سلسالك أنا مبنمش ياسيدى من يوم مارجعنا من المستشفى أنا فكرت اموت نفسى علشان ماتحسش بالذنب وأجبرك تتجوز ڠصب عنك والنبى ياسيدى تريحنى عايزه انام .
قولتلها وانا بقوم من مكانى
ماتنميش ياسندس خليكى صاحيه طول عمرك علشان انا مش هتجوز عليكى ولو انطبقت السما على الارض سلام ياهبله .
سمعت صوت نصير فى ودنى وهو بيقول
سندس عندها حق !!!
قولتله
بعد أذنك يانصه متدخلش فى حياتى الشخصيه !!
قالى
أفهم انت داخل على حروب كتيره مع جن صراع البنى أدم الدائم مع الجن بيضعف من قدراته وبيطفى نطفته يعنى ممكن على سن التلاتين وتلاقيك عقيم مابتخلفش لازم تتجوز بدرى يانور ويبقى ليك نسل .
أنا مش عايز خلفه ومش عايز اتجوز على سندس .
قالى
براحتك بس لو حصلك حاجه فى الحړب الحمايه اللى على الكهف هتروح وسندس حياتها هتبقى فى خطړ لأن مفيش حاجه تربطنى بسندس انما لو ليك أبن عايش فى الكهف الحمايه هتفضل موجوده على الكهف علشان فيه سلالتك واللى هنبقى ورث له .
قولتله
Lina Basyouni
قالى
الحياه عمرها ماهتبقى فل يانينو قلبى حاسس أننا داخلين على أيام سواد .
كلام نصير قلقنى أكتر ومبقتش عارف أنام زى سندس وفضلنا متنحين فى بعض طول الليل لحد ماجيت فى يوم وقولتلها
موافق ياسندس بس بشروط !!
فرحت الهبله كأنها هى اللى هتتجوز وقالتلى
أشرط ياسيدى !!
قولتلها
مش هتعيش معانا فى الكهف هيصعب عليا ياسندس واحده تانيه تبقى معاكى فى الكهف هأجر بيت فى القريه وهروحلها 3 أيام فى الاسبوع ولما تخلف أن شاء الله ابنى او بنتى أنتى اللى تربيهم معاها كلمتك هتمشي عليها وهى فى بيتها تبقى عارفه أنى مش بحبها وانى مبحبش غيرك انتى ياسندس .
سندس قالتلى
بس كده ظلم ياسيدى !! وانت كده بتعقدها مفيش واحده هترضى بكده .
Lina Basyouni
قولتها
يبقى بلاها أحسن ونفضها سيره خالص .
قالتلى
لالا هتوافق البنت فردوس هتوافق أصلها واخدانى مثلها الاعلى !!
قولتها
خدت بالى نفس صفيحة العبط اللى طلعتى منها بالضبط .
قالتلى
هجيبلك الخبر بكره علشان تكلم أبوها على طول .
قولتلها
بس بشرط.
قالتلى
أيه تانى !!
قولتها
Lina Basyouni
أبوها يبطل يبيع بلوبيف !!
تم الفرح وأتجوزت انا وفردوس كنت بروحلها 3 أيام فى الاسبوع وحسيتها نسخه من سندس نفس الطريقه ونفس الهبل وكان ډمها خفيف برده وكانت بتحبنى جدا زى سندس بس الصراحه انا محبتهاش زى ماحبيت سندس بس حبيت حب فردوس ليا ولسندس كانت أوقات كتيره بتبقى عند سندس فى الكهف بيتسلوا وبيهزروا مع بعض .
ودى كانت ميزه مهمه جدا أنها لهت سندس عنى وبقيت بتحرك لوحدى بحريه من غير ماتلزق فيا .
فردوس حملت بسرعه أوى تقريبا من أول يوم الډخله أو بعده بأسبوع !!!
وسندس كانت بتاخد بالها منها وانا روتينى ما أختلفش
الصبح بفتح الخيمه وبكشف على الكام واحد اللى بيجوا الخيمه وفى نص اليوم بكلم معتز باشا فى امريكا أتطمن عليه وعلى أسرته وباليل أطلع على المقاپر ألم الاعمال اللى عملها شهاب واروح على الكهف أبطلها.
لحد مافى يوم كنت راجع من المقاپر وشايل على كتفى شوال الاعمال والسحر طلع عليا
متابعة القراءة
