رواية ميراث نور للكاتبة لينا بسيوني حصري الجزء الأول
المحتويات
تقيل جدا وحطيته على الترابيزه
وقولت لنفسى ياسلام بقى لو بنطلون كمان يبقى كملنا الطقم
فتحت الطرد
وفتحت بوقى من اللى شوفته جواه
يتبع
اسكريبت_ميراث_نور
فتحت الطرد وفتحت بوقى من اللى شوفته جواه
ماشوفتش حاجه !!
الصندوق فاضى مع أنه تقيل جدا !
حطيت أيدى جوه الصندوق لقيته فاضى فعلا !
أيه بقى !!! الكلام على أيه المره دى !!
شيلت الصندوق بالعافيه وقلبته على الارض
أتفاجأت بورق وكتب بتقع منه !!!
فضلت أهز فيه وأنا قالبه علشان أفضى كل الورق والكتب اللى فيه
لحد مابطل ينزل ورق وزنه بقى خفيف زى وزن الصندوق الطبيعى !
الورق عقود ملكيه لقطعتين أ رض فى حته اسمها نجع الشرفاء
أرض بأسم دياب الضباعى تقريبا ده حد قريب جدى علشان من نفس عيلتنا الضباعى
وأرض تانيه بأسم جدى ناير نمير الضباعى وفيه ورقه بتقول أنى الوريث الوحيد !!!
وورق تاني مقدر سعر الاراضى ب مليون جنيه !!!!
كملت قراية فى الورق واللى كان كله مختوم ومتوثق !!!
حطيت الورق جمبى وفتحت الكتب و بصيت عليها لقيتها
مكتوبه بلغه غريبه
الحروف دى شوفتها فين قبل كده !!!
أها نفس اللغه اللى مكتوب بيها على القميص
طلعت موبايلى وصورت صوره من النص اللى فى كتاب منهم وبحثت عن اللغه فى جوجل
ومكتوب أنها من أقدم اللغات وفيه ناس بتقول أنها اللغه إلى كان بيكتب بيها سيدنا سليمان وبيتواصل بيها مع الجن !!!
بصيت على الكتاب تانى وأندهشت لما لقيت ورق الكتاب بقى أبيض!!!
وأختفت الكتابه من عليه تماما
فتحت كل الكتب لقيت ورقها كله بقى أبيض !!!
بصيت على العقود بسرعه
الحمد لله العقود لسه الكلام مكتوب عليها
مين اللى بيبعتلى الحاجات دى !!!
ده أكيد حد بيتلاعب بيا
وممكن فى الاخر يطلب منى أعمل چريمه أو أقتل حد زى الافلام
مش بعيد يكون بيراقبنى دلوقتى !!!
جريت على باب الشقه وفتحته بصيت يمين وشمال بس مالقتش حد خالص فى الطرقه
قفلت باب الشقه تانى وأتلفت حواليا وبصيت على السقف معرفش ليه !!
أيه أيه بقى !! هنفضل نلعب مع بعض كده كتير أظهر وبان عليك الامان
محدش رد عليا ومحدش هيرد عليا شكلى أتجننت!!
جاتلى فكره أتأكد بيها أذا كان الورث ده حقيقى ولا أشتغاله !!
طلعت الصبح ومعايا الورق على الشهر العقارى وأتاكدت أن الورق سليم وأنى ليا ورث معرفش عنه حاجه !!
قطعتين أرض مساحتهم كبيره فى قريه أسمها دلوقتى قرية النيارين نجع الشرفاء سابقا !!!
كلمتهم فى الشغل وقولتلهم أنى عندى حالة وفاه وهاخد أجازه وقفلت التليفون بتاع الشغل
روحت على البيت وحضرت شنطتى وطلعت على الموقف وركبت الميكروباص
تليفونى التانى رن ولقيت أسم نيللى على الشاشه كنسلت عليها
معرفش ليه مواجهتش نيللى بالحقيقه !! وقلتلها على اللى سمعته وخيانتها ليا!!!
يمكن لسه بحب نيللى !!
أيوه لسه بحب نيللى وهروح أبيع الاراضى وأرجع من قرية النيارين مليونير وساعتها هندمها على كل اللى قالته
هثبتلها أنى مش فاشل وأنى مش هفضل مندوب مبيعات
ياااه أحلامى كلها بتحقق فى يومين بس !!!
الف شكر وحمد ليك يا رب
نيللى رنت عليا تانى فكنسلت عليها برده
حطيت السماعات فى ودنى وشغلت أغنيه لمطربى المفضل محمد فؤاد
و غمضت عينى و دندت الاغنيه وانا بسمعها
ټجرح قلبى أنا ليه !
تقسى عليا أناا ده أنا هنفخك !!
قلبت الاغنيه وجبت أغنيه تانيه لفؤاد وغمضت عينى برده ورددتها بصوت
ولا يهمك تارارر
لاقيت ترياقى من سمك وخلاص أرتحت من همك
ولا يهمك تارارا
راميتك زى ما لاقيتك فتات مكسور ووردة حب دبلانة فى ضلة سور
عاندتينى و بعتينى
عشان آخرتها تلاقينى لا أنا عاشق و لا مشتااااااااااااق
فوجئت بواحد بيهزنى جامد شيلت السماعات من ودنى وفتحت عينى لقيت كل الناس اللى راكبه في الميكرباص بيبصولى حتى السواق بيبص عليا من المرايه !!
واللى قاعد جمبى قال
فيه أييييييييييييييييه ياعم أنت !!! أنت هتسمعنا الالبوم كله مش عارفين ننام لحد مانزفت نوصل
وسمعت واحد فى الميكروباص رمى قلشه وقال
أرحمنا ياعم المجروح !!!
كل اللى فى الميكروباص ضحكوا عليا !
وصلت المحافظه وسألت على قرية النيارين فقالولى هاخد ميكروباس تاني للمركز ومن المركز هاخد مواصله تالته لقرية النيارين !!
أيه السحوله دى !!!
وصلت الموقف بتاع المركز على الساعه تلاته الفجر
دورت على مواصله للقريه و للأسف مالقتش عربيات رايحه ناحية القريه خالص
Lina Basyouni
فضلت مستنى أى عربيه تكون معديه على طريق القريه
حطيت شنطتى على الارض جمب الطريق وقعدت عليها لحد
الدنيا مطرت فجأه !!
ومعرفتش أروح فين !! هدومى كلها بقت ميه و طين
شوفت كشاف نور عربيه جاى من بعيد وبيقرب عليا
لما قرب عليا بان أنه ميكروباص واللى كان متوسخ طين من المطر
شاورتله علشان
متابعة القراءة
