روايه ميراث نور الفصل الخامس بقلم لينا بسيوني

عندك.
وفتح باب الكهف فظهر راجل فوق الاربعين لابس نضارة سودا وواقف على باب الكهف شعره كله أسود ماعدا خصلة واحدة فى مقدمة رأسه لونها أبيض لابس على رقبته سلسلة من العضم وماسك فى أيده شنطة
أول مادخل الكهف رمى حاجة جواه مشوفناش اللى رماه بس أغمى علينا فى وقتها ...
صحينا لاقينا نفسنا كلنا متكتفين بجنازير فى الكهف واقف قدامنا الراجل أبو خصلة بيضا وجنبه زيجا .

سمعت الراجل بيقول لزيجا 
عفارم عليك يازيجا !!!
وبصلى وقال 
منور ياأبن الجنية امك الله يجحمها كان عليها دين ومسددتهوش والنهارده أنت هتسدده .
حاولت أفك نفسى فقالى 
متحاولش تفك نفسك مش هتعرف الجنازير متعزم عليها كويس وبدمك !!!! ودلوقتى نخش فى المهم .
راح ناحية شنطته فتحها وطلع منها سكاكين واناء من الزجاج وقرب عليا .....

زيجا 
أسمى زيجا عندى 23 سنة بنى أدم عادى يتيم أتربى فى ملجأ أيتام لحد سن سبع سنين ..
سبع سنين أتعرضت فيهم لشتى أنواع الټعذيب النفسى والجسدى فقررت أهرب من الملجأ.
من ساعتها وأنا الشارع بيتى والرصيف سريرى والشحاته شغلانتى ..
لحد ما فى يوم أتعرفت بالصدفة على الساحر أيسر اللى أتبنانى ووفرلى سرير فى بيته وأكل وشرب و رعاية
أيسر ساحر قوى جدا بس من السحرة المستخبيين واللى محدش يعرف عنهم حاجة بيأثروا فى عالم الجن والأنس بس فى الخباثة من غير ماحد يحس بيهم بيقضوا مصالح الجن والأنس بالسحر الأسود وطبعا بمقابل ومش أى مقابل.
اللى كان بيدفع لأيسر كان بيدفع غالى أوى علشان متخصص فى الحالات الصعبة
يعنى لو حد عايز ېقتل حد بالسحر بيروح لأيسر وأيسر يخلص على غريم الزبون وهو قاعد فى مكانه بمجرد بس ماياخد أطره و المقابل بيبقى على حسب تقل الزبون
فيه اللى بيطلب منه أراضى وفيه اللى بيطلب منه ذهب وفلوس ..
أيسر مچنون ومهووس بالقوة ونفسه يبقى أقوى بنى أدم على وجه الارض أفنى حياته كلها فى دراسة السحر بكل أنواعه علشان يبقى بنى آدم قوى وليه قدرات خاصة وخارقة
كان بيستخدم تعزيمات من السحر الأسود عشان تقويه ولان التعزيمات دى خطېرة خاف يجربها على نفسه الأول.
علشان كده كان بيجربها عليا قبل مايجربها على نفسه ولو نجحت عليا يعملها على نفسة من الآخر خلانى فأر التجارب بتاعه ..
جرب عليا تعزيمات وتركيبات كيمائية خطېرة جدا بس نجحت معايا وخليتنى قوى خلتنى أكسر الحجر بأيدى أقفز عالى و أشوف بعين الجنى .
وانا عندى عشر سنين تقريبا دخلت علينا جنية متشكلة على شكل أنسان قالت أنها حملت من ساحر قوى وعايزه تحجب أبنها عن أبوه واعداءه أيسر وافق بس أتفق معاها أنه يكون المقابل سرنجة ډم من أبنها بعد مايتولد .
وافقت وعملها سحر الحجب وبعدها أختفت من غير ماتسدد الدين ومعرفش عنها حاجة لحد ماقابلناها بالصدفة وأحنا بنصيف فى العجمى أيسر قبض عليها وحپسها فى الشالية بتاعه ...علشان تعترف على مكان أبنها.
رفضت وفضلت المۏت !!!!!
أتفاجئت بعاطفة الامومة اللى عندها حاجة غريبة علي طفل زيي أمه وأبوه رموه قدام دار أيتام .
صعبت عليا فقررت أهربها انتهزت فرصة أن أيسر بره الشاليه وفكتها من الجنازير فجريت على طول وهربت بعيد عن الشالية ..
أيسر لما عرف أنى هربتها عاقبنى جامد ومسابش حتة فى جسمى اللى لما علم عليها ... فضل على كده كام شهر لحد ماسامحنى على غلطتى .
عدت السنين وسمعنا عن هجين قوى راعب الشياطين فى أرض الجن أطقسنا وعرفنا أنه أبن الجنية اللى هربتها ..
أيسر أتجنن لما سمع أنه قدر يتغلب على جيش الشياطين وعفاريت الجن وقرر يكون عنده القوة اللى عند الهجين ده 
عرف أنه علشان يبقى عنده نفس القوة لازم ېقتل الهجين وياخد قلبه !
أيسر بقى شغله الشاغل ماهر الهجين وعرف كل حاجة عنه عرف انه رجع لأبوه الساحر نور ناير وعايش معاه فى الكهف..
أيسر كان عارف أنه لو واجههم بالقوة ممكن يتغلبوا عليه خاصة أن أبو ماهر ساحر قوى جدا فقرر يوصل للى عايز بالدهاء فعمل زى مابيعمل كل مرة لجأ لفأر التجارب بتاعه ...
عمل خطة علشان يدخلنى وسطهم .
فى الاول حبس قرينى فى قفص وفصلنى عنه مؤقتا علشان أقنع ماهر واقنعهم أنى هجين وعلشان مايعرفوش من قرينى الحقيقة ...
دخلت عليهم بدخلة التلميذ اللى عايز يتعلم السحر طبعا عملوا زى ما أيسر توقع بالظبط وحاولوا يطردونى فأثرت فضولهم بالمعلومة اللى عندى وأتفاجأت برد فعل ماهر اللى نزل فيا ضړب عملت نفسى مغمى عليا وبموت فنقلونى جوه الكهف بتاعهم وسمعت وأنا جوه كل حاجه عنهم وبلغتها لأيسر .
عرفتوا أن الجن اللى فى الكهف فاقدين قدراتهم وانهم بيعانوا من مشكلة كبيرة ومش عارفين يسيطروا على السحر اللى فى أيديهم ..
أيسر فرح ولاقاها فرصة مناسبة وقالى أحاول أخد نقطة من ډم ماهر علشان ينفذ خطة الاقټحام بتاعته فجرحته بضوافرى المدببة