روايه ميراث نور الفصل الخامس بقلم لينا بسيوني
المحتويات
فى بطنى وهو بيقول
قولتلهم اسرارنا يابن ... .
قلتله
انا كنت برمى الړعب فى قلوبهم عشان يخافوا منكم قبل المواجهة !
جوهر شد ايسر من هدومه وقاله
رد عليا .. كتاب تحوت معاك!
قاله وهو متردد
اها معايا... بس دا اتفاق تانى... الاتفاق الأولانى كان التركيبات فى مقابل قلب مارو . انما لو هتستعير كتاب تحوت عشان تستخدمه فى الحړب فانا معنديش مشكله بس فى مقابل انك تدينى كتاب العزيف
اهم حاجة الكتاب شغال !
ايسر ابتسم وقاله
شغال زى الفل انا جربته بنفسى.
رد جوهر
موافق بس بشرط .. لما انتصر واقضى عليهم.. ساعتها هديك كتاب العزيف هديه منى على مجهودك... مش بس كدا انت هتبقى دراعى اليمين فى المملكة اللى هبنيها... انما لو طلعت بتخدعنى هدوس على رأسك برجلى وافعصها .
أيسر قاله
أيسر مسك فيا وقالى
عرفت عنهم ايه بقى يا حلو!! ولا عرفوا عننا كل حاجة ومعرفتش عنهم اى حاجة!!
قولتله
عيب عليك دا انا تلميذك ...انا معايا عينه من ډم حنوش خدشته بضوافرى لما كان بيضربنى عشان اعترف.
وفتحت كفى ووريته جلد حنوش ونقط من دمه عالقة تحت ضوافرى.
طلع منديل من جيبه وملقاط صغير ولقط الجلد والدم من بين ظوافرى الطويلة
حنوش دا مش جن متشكل لبنى آدم !
أيسر هزله رأسه بالتأكيد وهو بيحط الډم وبقايا الجلد فى المنديل .
فجوهر قاله بأستغراب
هتعرف تتعقبه عن طريق دمه وهو متشكل !
أيسر قاله بثقة
هعرف أتعقب أمه المهم دلوقتى نبدأ فى بناية الثكنات قبل السما ماتضلم تماما.
محتاجين نلاقى تضاريس تنفع تكون خط دفاعى لينا ونعرف نتمركز عندها .
الشياطين ركبوا فوق الدببة والذئاب و جابولى ذئب فركبت فوق ضهره.
الذئب كان بيطلع صوت شبه فحيح الأفاعى فعرفت أن الدببة والذئاب مش حقيقين وأنهم هما كمان شياطين متشكلة.
أيسر ركب فوق دب أسود وبدأنا نتحرك بعيد عن أرض المعركة .
أيسر كان بيلف بعينه على التضاريس وأحنا بنتحرك وخدت بالى أنه بيشرح لجوهر الطريقة الهندسية اللى هيبنوا بيها الثكنات.
اتحركت بالذئب وقربت من أيسر وجوهر وبقيت ماشى وراهم.
سمعت أيسر وهو بيكمل كلامه وبيقول
مخازن الآكل والتركيبات مش هيبقوا فى مكان واحد هنقسمهم مخازن على يمين الثكنات ومخازن تانية على الشمال علشان لو حصل حاجة مايبقاش حطينا البيض كله فى سلة واحدة و....
أظن المكان ده كويس.
جوهر قاله
أشمعنا الجبل ده اللى أخترته !
أيسر قاله
هتعرف لما نقرب عليه .
جوهر أمر الجيش بالتحرك ناحية الجبل اللى قال عليه أيسر.
أول ماوصلنا للمنطقة اللى شاور عليها أيسر عرفت بيفكر فى أيه .
أيسر قال لجوهر
الجبل هنا عالى وتضاريسه هتبقى محاوطه الثكنات هيبقى صعب أى حد يصعده ويهاجمنا من ورا.
وزى ما انت شايف قدام الجبل بحيرة متجمدة يعنى محدش هيعرف يهاجمنا من قدام والا هيقع فى البحيرة نفس الخدعة اللى عملها فيك أعدائك .
جوهر قاله بعصبية
أنا كسبت الحړب وقضيت على كل جيشهم .
أيسر قاله
بس ماوصلتش لهدفك و ماقضتش على أعدائك واللى هربوا وأنسلتوا من بين صوابعك...
اللى سمعته أن عدوك الهجين ماهر قدر يقضى على نص جيش الشياطين لوحده فى حربه فى جزيرة الافاعى ده غير أنه معاه عصايا خطېرة ه....
جوهر مسك رقبة أيسر ورفعه لفوق وقاله
أنت بتشكك فى قوتى !!
أيسر قاله بصوت مخڼوق وهو بيفرفص
أبدا ... أبدا ... ما أقصدش كده .
جوهر رماه على الجليد فقام ونفض هدومه وهو بيقوله بهدوء
أنا عايزك تهدى كده ومتخليش الاڼتقام يعميك ويخليك متشوفش قدرات عدوك الحقيقة.
اللى أقصد أقوله أن عدوك قوى وانا بفضل نكسبهم بالخديعة لآنهم وقت المواجهة بيعرفوا يهربوا.
وده اللى حصل مع أمك الملكة نيللى هزمتهم فى أرض المعركة وظنت أنها كسبت الحړب وسمحتلهم يتجمعوا بعد كانوا متفرقين والنتيجة أنهم فاجئوها وأنت عارف بقى الباقى ...
أيسر سكت شوية وساب كلامه يدور فى عقل جوهر ...
وبعد كده كمل كلامه وقال
هيجل بيقول تعلمنا من التاريخ أن لا أحد يتعلم من التاريخ أحنا بقى عايزين نتعلم من التاريخ ياجوهر علشان مانعيدهوش تانى نخطط صح قبل مانضرب الضړبة القاضيه.
جوهر تفهم كلام أيسر و أمر الشياطين ببناء الثكنات والقباب واللى بنوها فى أقل من ساعة.
أيسر تمتم بتعزيمات واشغل الڼار بالسحر الأسود واللى حاوطت المنطقة ووفرتلها الدفء والاضاءة فى الليل الدائم .
.
كنا فى قبانى من اللى بنوه الشياطين ..
أيسر أمر الخدمة اللى معاه ينقلوا التركيبات من معمله للمخازن وأمرهم ينقلوا أكل للمخازن.
جوهر قال لأيسر بأستغراب
أشمعنا الخدمة اللى معاك ماتشكلوش بشړ وبيتعاملوا وسط الجليد
متابعة القراءة
