رواية رحيل ابي بقلم زينب
المحتويات
لتعلين صوتج
مؤيد الي كلتة يصير
محمد كومي جهزي غراضج خلي نطلع
ايلين باوعتلهم بنضرة حقد
دخلت اخذت كل ملابسي واكسسوارتي الذهب والفلوس العندي وموبايلاتي 2 وايباد
كنكت ع سيم كارت كلهن حطيتهن بالجنطة لبست بنطرون
وفوكاه قميص تلث ارباع ردن وشلت شعري ذيل حصان
نزلت
يلا خلصت واكفة اهز برجلي
محمد هيج تريدين تطلعين
ايلين اي ليش
ايلين شبيك الي يكول مدري شلابسة الواحد قابل شيلبس متكول عليت صوتي
محمد علت صوتها كدامي متحملت ضړبتها راشدي لتعلين صوتج وروحي لبسي شي مستور
ايلين ضليت صافنة بوجهة واول مرة احد يضربني الحقېر صعدت فوك
دورت كله بناطير عندي شالبس بيبي اجتي كالت مرة جبتلج عباية وملبستيها تذكرتها رحت دورتها ولبستها وحطيت شال شلون مجان ونزلت رافعة خشمي
ايلين سلمت ع بيبي وطلعت طول الطريق واني اتذكر كل شارع مرينا بي اني واصدقائي كل لحضة سوية كل ضحكاتنة وكل سوالفنة حسيت ماراح ترجع هاي الايام
محمد اباوعلها شلون تباوع ع شوارع وعيونها مغوركة من الدموع
ايلين وصلنا للبيت اول مفتت وحدة جانت تخبز وحدة تكلي سمج ووحدة تنظف بالريش مال الدجاج سديت خشمي واتطفر من الاماكن اجني يسلمن علية
ريم واني ريم اخت محمد الصغيرة
ايلين هلا اني ايلين جنت احجي من طارف خشمي عمرهن مقارب لعمري نور نفس العمر بس ريم اصغر بسنة
دخلتني للغرفة مالتي ماكو سرير بيها مجرد فراش اتمددت عليه واكو كنتور بابتين
حطيت الجنط ونمت بملابسي تعبانة حيل
لليل
نور ايلين كومي اتعشي
ايلين ها مااريد
ايلين مااشتهي
نور براحتج
طلعت من الغرفة لكيتهم كاعدين امي واخوية محمد وريم
محمد وين ايلين
نور تكول مااشتهي
محمد كمت من مكاني دخلت لغرفتها لكيتها نايمة بالعباية بعدها وشعرها قصير فدوة شلون حلوة معقولة هاي بنت عمي ومشايفها
كومي ايلين
ايلين فزيت من مكاني ها
محمد كومي اتعشي ويانة
ايلين عفية مااريد
محمد كتلج كومي
محمد منتضريج
ايلين لبست تراك وطلعت لكيتهم بالصالة كاعدين محمد كاعد ونافخ روحة عود شيخ وامة كاعدة بصفة واخواتة وحدة منا وحدة منا
محمد طلعت ايلين ولابسة تراك احمر يمة تخبل بس مااكدر الا اعلق هذا اللبس بعد متلبسي
ايلين ليش انشالله
محمد ناس طابة طالعة علينا دشاديش تلبسين
ايلين اني شدخلني بيكم مااعرف البس دشاديش
ايلين مو بكيفك خليت ومشيت
محمد من احجي وياج توكفين ومتمشين
ايلين وكفت شتريد
محمد احترمي نفسج ولا تحجين وياي بهل اسلوب
ايلين فتهمنة بعد اكو شي
محمد روحي بدلي وتعالي تعشي
ايلين باوعت عليه وامة خازرتني شلون احجي وياه وخواتة فاكات حلكهن
ماعندي دشاديش
محمد نور تنطيج
ايلين وكتلك اني ماالبس شتريد تسوي خليت وفلتت للغرفة
محمد ردت اروح اطيح حضها بس امي مخلتني كملنا عشة صحت نور
نور ها خوية
محمد روحي ودي عشة ل ايلين
نور صار
رحت جهزت العشة ووديتة ل ايلين اني وريم
ايلين هاي ليش متعبة نفسج
نور هاي اوامر الشيخ
ايلين طركاعة ع راس الشيخ
نور ولج لتحجين ع اخوية
ريم والله لا يسمعج يكص لسانج
نور يلا اكلي
ريم صدك ايلين شلون هيج تحجين ويا اخوية
ايلين يعني شلون
ريم يعني شلون هيج عندج جرأة
ايلين عادي ميهمني قابل شيسوي
ريم شلون شيسوي يكسرج غير
ايلين سواها وضړبني مرة وخل يسويها مرة ثانية
نور الله يستر منج
ايلين اخوف مو
نور تاكلين لو اشيل الصينية
ايلين شيلي
نور ليش
ايلين مااحب السمج
نور اكلي دجاج
ايلين ولا دجاج ذبح الا مجمد
نور ياا هو مو نفسة
ايلين اي ادري بس عبالك طعمة مو طيب الذبح
نور امداج هو اكو اطيب من التازة
ايلين اني مااحبة
نور اخذت الصينية وطلعت رحت للمطبخ اجة
متابعة القراءة
