روايه حكاية جبروت الحموات بقلم ايات الرحمن
المحتويات
مفيش اكل غير لما سلفتك تيجي
_ايوه يا ماما بس انا جعانه والدنيا صيام وبعدين انا امبارح مااكلتش كويس ولا اتسحرت
انتي هتحكيلي قصة حياتك قولت مفيش اكل غير لما سلفتك ترجع لكدا لمفيش النهارده اكل خالص
جبروت_الحموات 1
_استوووب اعرفكم بنفسي انا ساجده ودي حماتي اسمها اميمه مش مهم عمري كام المهم حكايتي ولي حماتي بتعاملني كدا ومفضله سلفتي عليا
_سلفتي دي تبقي بنت اختها اخت البنت اللي كانت عايزه تزوجها لفريد
_اكيد طبعا بتسألوا زوجي فين من كل دا
فريد بيشتغل مهندس طول اليوم برا ومش بيرجع قبل العشاء وبما ان النهارده كان اول يوم في رمضان فهيرجع بدري شويه
_بعد ما خلصت طبخ وتجهيز حماتي طلبت مني اجهز لكل واحد من اولادها اكل يكفيه هو وزوجته واولاده بدل العزومه دي عادتها اول يوم وبعد كدا بتبدء العزومات اللي علي حق
_المهم بعد ما طلعت لكل واحد فيهم اكله هما ثلاثه غير فريد وبنت وزوجة ابن ليها مټوفي بس عايشه لوحدها وبتيجي لحماتها عندي
ودي بقي كإنها ناااار وبتحب تعمل ليا مشاكل
_حسيت بدوخه فظيعه وصداع يعتبر مااكلتش من يومين
_طب يا ماما هي شكلها هتتأخر وانا دوخت
دوختي لي يا حبيبتي هتجيبي لابني الطفل اللي نفسه فيه وانتي حرماه منه
_لي بس يا ماما التجريح دا دي ارادة ربنا
ايوه هنقول قال الله وقال الرسول اسمعي يابت انتي قدامك السنه دي بس لو ماجبتيش ليا حفيد
_قومت وكلامها جارحني اوي وبصيت للسماء وقولت يارب انا تعبت ومش هقدر اسيب فريد ولا هقدر اشوفه مع غيري ودموعي نازله كنت مغمضه عيوني وبدعي ربنا نفسي اكون ام اوي لطفل من فريد
هو طيب اوي ومش شكل مامته نفسي صعبت عليا اوي ودموعي بقيت تنزل بغزاره لحد ما بقيت مش شايفه من كتر الدموع ولسه قلبي بيدعي قبل لساني انا عارفه حماتي قادره وتعملها
الدوخه بدءت تذيد والوقت بيمر وانا خلاص مش قادره وفريد كمان اتأخر دخلت وقولت ليها انا خلاص تعبت ومش قادره انا هجهز ليها فطارها في المطبخ ولما تيجي اسخنه تاني اما كدا هي شكلها مش جايه النهارده وتعالي نفطر احنا
قولت الكلام دا من هنا وهي ماسكتتش والبلكون والشباك مفتوح والناس بدءت تخرج من بلكوناتها علي صوت حماتي العالي وطبعا قالت كتير اوي ودفعتني وقعت علي الارض وقالت ليكي راجل لما ييجي لازم يترد عليه غوري من قداااامي
دخلت اوضتي وانا ببكي بحرررقه علي احوالي ومش قادره
من الصداع والدوخه في الوقت دا اختي اتصلت عليا ما قدرتش ارد عليها لحد ماسمعت صوت الباب بيتفتح كان فريد جه بعد العشاء بساعه
واول ما دخل مامته بقيت تقول ليه حاجات ما حصلتش اصلا لقيت باب الغرفه اتفتح مره واحده وجه فريد والڠضب عاااااميه مسكني من شعري ووووووو
حماتي زيها زي البعض من الحموات دايما كرهاني وعامله ليا مشاكل مع زوجي واخرتها بتهددني ان هتزوج فريد لو مرت السنه وما جيبتش ليهم طفل وولد كمان مش بنت
جبروت_الحموات 2
بعد ما حماتي قالت لفريد كلام ما حصلش مني اصلا لقيت فريد دخل وملامحه كلها غضضضضب ومش بتوحي بخير ومسك شععععري بقوه وقال انتي
بتمنعي امي من الاكل
ليه هي بتااكل من بيت اههههلك وبتطردي زوجة اخويا ليه وانتي عارفه ان هي مسؤوله مني هي واولادها
في الوقت دا كنت خلاص قربت انتهي من الدوخه اتكلمت بتعب وقولت حرام عليك يا فريد ارحمني بقي انت كمان انا اللي هقدر امنع مامتك من الاكل واطرد زوجة اخوك
اللي مسؤوله منك طب لي ماسألتهاش زوجة اخوك فين لحد دلوقتي طب لو انا منعت والدتك من الاكل مش كانت هتطلع عند حد من اخواتك هما يعني في مارينا دول في نفس العماره اللي احنا فيها
لقيته هدي شويه كدا وبعدين قال في اي مالك
حاسه بدوخه فظيعة
من اي
مافطرتش لسه
لي
عشان مش هتصدق اللي هقوله
قولي
مامتك منعتني من الفطار لحد ما زوجة اخوك ترجع من برا وهي لسه لحد دلوقتي ما رجعتش
انتي بتقولي اي ماما مستحيل تعمل كدا
مش قولت ليك مش هتصدق
عشان اللي انتي بتقوليه ما يتصدقش اصلا
طب اعمل اي عشان تصدقني
ما تعمليش حاجه انا تعبت من حواراتك انتي وماما هي دايما تشتكي منك وانتي دايما تشتكي منها كإنكم متزوجين من شخص واحد
والله يا فريد انا ما كلمتها دي كمان قالت ان في خلال السنه دي لو ما جيبتش بيبي ولد هتزوجك بنت اختها
انا قولت ليكي مليون مره يا ساجده ماتركزيش مع كلام ماما انا لا هتزوج غيرك ولا هفكر في كدا وبالنسبه لموضوع الاطفال دا دي ارادة ربنا
ياما ناس عاشت وماااتت وهما مفيش عندهم اولاد وفي ربنا اكرمه بعد سنين طويلة انا اي من دا كله اللي متزوج من 3 سنين عشان افكر في كدا
وبعدين تعالي نفكر كدا بالعقل الدكتور قال ان دي مسألة وقت طب فرضنا بعد مااتزوجت غيرك طلع التأخير دا من عندي وقتها هكون كسبت اي غير ۏجع القلب مع واحده تانيه اتظلمت معايا
فريد انا
لسه ما خلصتش كلامي وقولت ليكي اكتر من مره لما اتكلم ما تتكلميش عارفه ليه عشان انتي كلامك بقي بيضايقني يا ساجده
انا يا فريد للدرجه دي بقيت كارهني
ومين قالك اني كارهك
كلامك بيقول كدا
لا يا ساجده انتي عارفه اني بحبك اد اي ومااقدرش اعيش مع غيرك بس ان انتي كل شويه تقولي مامتك عايزه
تزوجك دا ببضايقني ماما مش هتعيش مكاني ولا هتتحمل اللي هتحمله طب تعرفي انا عندي صديق في الشغل اتزوج من اربعه وكل مره يقول ان زوجاته هما اللي مفيش عندهم قدره علي الانجاب
لحد مااتزوج الرابعه وكانت قاصر وبردوا حصل معاها نفس الشيء ولما راح للدكتور قال ليه ان عدم القدرة دا منه هو طب هيطلقهم الاربعه عاش معاهم ودلوقتي بيتمني لو يرجع بيه الزمن عشان يفضل مع زوجته الاولي
بس لان طول الوقت حاسس بظلمه ليهم
طب لي ما مش راح لدكتور من الاول
عشان مامته كانت كل
مره بتشجعه
متابعة القراءة
