رواية روح كاملة الاجزاء
المحتويات
طنط ممكن شيكولاته من دي.
انت مين يا حبيبتي وفين بابا وماما
أنا اسمي روح وبابا وماما قالولي خليك هنا وهنيجي ناخدك...
متعرفيش راحو فين
مشيوا من هنا وشاورت على يميني.
مقالوش ليكي هيرجعوا امتى
قالوا مش هنتأخر وبس.
طيب بقالهم أد اي سايبينك هنا
٣ أيام.
يا خبر! وانت هنا بقالك ٣ أيام! الحمدلله ان محدش خدك تيجي معايا
طيب انت عندك كام سنة
١٠ سنين.
طيب بصي ايه رأيك تيجي تعيشي معايا أنا عايشة لوحدي ومعنديش ولاد وتقوليلي يا ماما.
ماما! أنا عندي ماما واحدة بس.
وانت هيكون عندك ٢ ماما وهجيبلك حاجات حلوة كتير وشيكولاتات كتير وهنخرج ونتفسح علطول.
يعني انت خاېفة تمشي علشان ماما هتضربك لو مشيتي
طيب تعالي عيشي معايا وأوعدك مش هضربك قوليلي يا ماما خديجة.
حاضر يا ماما خديجة.
شايفة العربية الحلوة دي
الله دي حلوة أوي يا ماما.
دي بتاعتي وهنركبها حالا علشان نروح البيت.
بجد!
بجد.
ياخديجة يا خديجة أنا جيت.
وصلت من حوالي ساعتين روحت الشنط وجيت أسلم عليك.
طيب مقولتيليش ليه كنت جيتلك أنا.
محبتش اتعبك كفاية اللي انت فيه.
طيب بمناسبة انك جيتي كنت عاوزة أقولك على حاجة مهمة.
خير في اي
ماما خديجة انت فين أنا جعانة أوي.
ماما! مين دي يا خديجة!
موضوع اي ومين دي وليه بتقولك يا ماما فهميني...
هفهم حضرتك كل حاجة بصي وأنا كنت خارجة من السوبر ماركت لقيت................
انت اټجننتي علشان تجيبيها لحد عندك! انت بتدوري ع المشاكل بخرم ابرة كبرتي واتجوزتي ولسه بتفكري بقلبك وراكنة مخك على جنب.
خلاص اعملي اللي انت عاوزاه بس اللي بيشيل قربة مخرومة بتخر على دماغه.
ومين قال اني عليك أنا معاك بس بالعقل كده أهلها هيفضلو يدورا عليها ومش هيسكتوا ومش هتخلصي.
بعد م سابوها ٣ أيام في الشارع لوحدها الحمدلله ولقيتها أنا ربنا بعتني ليها يا عالم كان حصلها ايه...
طيب أنا هجيلك بكره بإذن الله ونشوف الموضوع ده سوا.
لأ خليك ركز في مذاكرتك انت ثانوية مش فاضل غير شهر وامتحاناتك تبدأ ركز علشان تدخل الكلية اللي انت عاوزها.
خلاص هجيلك اقعد معاك شوية واشوفها بالمرة.
مش هخلص من زنك تعال واسكت.
الله يرحمك يا خالد ياريتك كنت معايا دلوقت بس أنا حاسة انك معايا وحاسس بيا روحك حواليا مش بتفارقني سامعة صوتك بيناديني روحت وسيبتلي أجمل ذكرى.
يا خديجة خديجة.
خالد! انت عايش
أنا عايش في قلبك وعقلك.
وحشتني أوي يا خالد.
لا أوحش الله لك قبرا يا قلب خالد.
متمشيش وتسيبني تاني.
انت قوية وصبرتي على فراقي وربنا هيعوض صبرك خير.
أنا محتاجاك جمبي أنا تايهة ووجودك دليلي.
قلبك هو دليلك مش أنا في قلبك
انت كل قلبي.
روح خلي بالك منها هيحاولوا ياخدوها هيودوها الچحيم لو سبتيها. أمانة عليك تحميها.
هتوحشني لحد ما اجيلك. خالد... خالد.....
ماما..ماما اصحي.
خالد.... روح!
مين خالد
خالد يبق جوزي الله يرحمه.
زي بابا
لأ هو بابا.
الله يرحمه.
الجرس بيرن هفتح واجيلك.
أدهم تعال ادخل.
هي فين
اصبر هنده عليها. يا روح تعالي فيه
متابعة القراءة
