روايه آمَـال_ضَـائِـعـةبقلم ايه احمد الفصل١٠

آمال ضائعة
البارت العاشر
الڪاتبة آية أحمد أبوداعوس
آمال خلصت قاعدتها هي و مها وطلعوا على السكن وقررت إنها بكره هتتكلم مع أكرم عشان يساعد مها ويتصرف مع محمود 
تاني يوم الصبح 
آمال نازلة المحاضرات هي و مها و واقفين تحت مستنين بسملة على ما تنزل لكن مها مرة واحدة عنيها دمعت ووقفت إتجمدت مكانها 
آمال مالك في إيه يا مها إنتي كويسة! 
بصت آمال في الاتجاة إللي مها بټعيط وبتبص عليه لقت شاب واقف ماسك إيد بنت وعمال يتأمل في ملامحها 
آمال مالك يا مها فيكي إيه مين الشاب إللي إنتي بتبصي عليه دا هو دا محمود يا مها !! 

مها وهي پتبكي أيوه يا آمال هو دا محمود إللي قاعد مع البنت إللي هناك دا وماسك إيديها وعمال يتأمل شكلها بيعمل معاها زي ما عمل معايا في الأول بالظبط ووقعني 
آمال بعصبية طب إنتي بعيطي ليه على واحد حيوان زي دا !! وبعدين إحمدي ربنا إن أخيرا ظهر وإن شاء الله حقك هيرجعلك وهيصلح غلطته لأن دي مش غلطتك لوحدك يا مها 
مها وهي لسه بټعيط حقي إيه بقا يا آمال ما خلاص أنا حياتي إدمرت معنتش هعرف أعيش حياتي عادي بعد إللي حصل دا وللاسف مش هقدر أنطق وأقول لأهلي حاجة يعني مفيش حد ساندني ولا يهون عليا غيرك يا آمال انتي عندي بالدنيا بجد بس انا كده حياتي وقفت معدش ينفع أتجوز شاب زيي زيه ونبدأ حياتنا مع بعض زي ما كنت بحلم طول عمري وللاسف زي ما انتي شايفه الشخص إللي ضحك عليا عايش حياته وشاف غيري ولا هامه أهو 
آمال مسحت دموع مها وحضنتها وقالت طيب بس إسكتي متعيطيش وخليكي عندك أمل في ربنا دموعك غاليه متنزلش على رخيص وقربي من ربنا أكتر وإرجعي مها اللي أهلها واثقين فيها وعارفينها 
مها حاضر يا آمال إنتي كلامك مظبوط 
بسملة نزلت عشان يروحوا الكلية سوى وعماله تبص لملامح مها بإستغراب وقالت 
بسملة مالك يا مها شكلك مجهد وزعلان ليه كده ! أول مره أشوفك بالشكل دا دا إنتي كنت دائما بتتكلمي ومش بتبطلي ضحك ولمضة في الكلام إيه مخليكي بقا حزينه كده وصحيح انا سمعت إنك كنت عاوزه ټموتي نفسك !! ايه السبب بقا 
آمال انزعجت جدا من كلام بسملة وتدخلها في اللي ملهاش فيه وحست إن كلامها دبش مينفعش يتقال 
آمال يبنتي مفيش ما هي زي القمر أهي بس هي شكلها مجهد عشان الأدوية شديده شوية عشان تروق والحمد لله كانت بتمر بفترة اكتئاب وربنا كتبلها بداية وعمر جديد المهم قوليلي طنط عامله إيه دلوقت 
بسملة بفرح الحمد لله ماما زي الفل